Hopp til innhald

Noregsmeisterskapen i sjakk

Frå Wikipedia – det frie oppslagsverket

Noregsmeisterskapen i sjakk blir halde i juli kvart år av Norges Sjakkforbund i samarbeid med ein lokal arrangør.

Dette er den klart største sjakkturneringa i Noreg, og har dei siste åra samla mellom 500 og 600 sjakkspelarar. Turneringa har dei siste åra gått over 8 dagar, frå laurdag til laurdag, med 9 rundar. Meisterskapa for 2008 og 2009 blei spela over 9 dagar, frå laurdag til neste sundag.

Noregsmeisterskapen i sjakk blir spela i sju ulike klassar etter spelestyrke. Desse klassane er elite, meister og klasse 1, 2, 3, 4 og 5. Det blir dessutan spela i åtte aldersklassar: Senior A og B (over 60 år), junior A og B (under 20 år), kadett A og B (under 16 år), lilleputt (under 13 år) og miniputt (under 11 år). Turneringa er open for alle medlemmer av Norges Sjakkforbund, og dei yngste klassane er opne for medlemmer i Ungdommens Sjakkforbund.

I øvste klasse, eliteklassen, blir det kjempa om tittelen noregsmeister i sjakk. Dei siste åra har Noregsmeisteren i sjakk fått ein kongepokal i premie. Dei som har vunne denne klassen flest gonger er Simen Agdestein, med ni gongar, Berge Østenstad, med åtte gongar, og Olaf Barda, med seks gongar.

Tidlegare vinnarar

[endre | endre wikiteksten]

Under står år, namn, og sjakk-klubben som vinnaren er medlem av. Meisterskap avgjorde etter omkamp har merknad om dette.

Andre noregsmeisterskap i sjakk

[endre | endre wikiteksten]

I tillegg arrangerer Norges Sjakkforbund og Ungdommens Sjakkforbund kvart år fleire andre sjakkturneringar, der det blir kåra noregsmeistrar i snøggsjakk og lynsjakk, for klubblag, skulelag og juniorlag. Det blir også arrangert NM for jenter og NM for ungdom, med fleire aldersklassar.

Bakgrunnsstoff

[endre | endre wikiteksten]
Henta frå «https://nn.wikipedia.org/w/index.php?title=Noregsmeisterskapen_i_sjakk&oldid=3562152»