Løypemaskin

Løypemaskin, tråkkemaskin, eller løypeprepareringsmaskinar er eit beltekøyretøy som vert nytta for å jamna til og pakka saman snøen i skiløyper. Dei vert òg nytta til transport av varer og menneske.

Oppbygging

Maskinane har breie gummibelte og er utstyrte med frontskjer og ein bakmontert slede med fleire skjer^[1]. Maskinane jamnar snøen med frontskjeret og pakkar han saman med belta. Til slutt kjen den bakmonterte sleden som jamnar snøen og laga skispor. Sleden kan òg ha ein fres som grev opp snøen i overflateskiktet. At snøen vart pakka saman gjer at løypene vert meir haldbare.

Løypemaskinar har lågt tyngdepunkt, slik at dei kan nyttast i bratte skråningar. Dei breie belta gjer at maskinane kan ta seg fram i skråningar med opp til 45^o stigning. Vekta varierer frå 5 til 12 tonn, så det krevst ein kraftig motor for å ta seg fram i djup snø og bratt lende. Dieselmotorar med effekt frå 120 til 460 hk er vanlege. Hydrostatisk transmisjon er vanleg og maskinane vert styrte ved å endra oljestraumen slik at han vert forskjellig på venstre og høgre side. Ved køyring i nedoverbakke vert motoren nytta som motorbrems. Farten kan regulerast trinnlaust frå null til rundt 20 km/t.

Maskinane kan utstyrast med ymse tilleggsutstyr, som vinsjar, kraner og ymse typar fresar.

Miljøpåverking

At snøen vert pakka samman under løypene fører til at han tinar seinare om våren og telen vert djupare^[2].

Produsentar

Kjelder

↑ Raap, K., Guidelines For Snowmobile Trail Groomer Operator Training - A Resource Guide For Trails Grooming Managers And Equipment Operators Arkivert 2013-12-07 ved Wayback Machine., American Council of snowmobile Assocciations (ACSA), 2005.
↑ Fahey, B., Likely impacts of snow grooming and related activities in the West Otago ski fields, Department of Conservation, Wellington, New Zealand.

Bakgrunnsstoff

Koz's snowgrooming links Arkivert 2019-02-17 ved Wayback Machine.

Sjå òg

Løypepreparering

[1] Raap, K., Guidelines For Snowmobile Trail Groomer Operator Training - A Resource Guide For Trails Grooming Managers And Equipment Operators Arkivert 2013-12-07 ved Wayback Machine., American Council of snowmobile Assocciations (ACSA), 2005.

[2] Fahey, B., Likely impacts of snow grooming and related activities in the West Otago ski fields, Department of Conservation, Wellington, New Zealand.

[1]

[2]