Korintbukta

Korintbukta Κορινθιακός κόλπος, Korinthiakós kólpos
bukt
Land	Hellas
Del av	Det joniske havet
Korintbukta 38.2°N 22.5°E / 38.2; 22.5
Wikimedia Commons: Gulf of Corinth

Peloponnes sett frå rommet

Korintbukta er ei djup bukt i Det joniske havet i Hellas som skil Peloponnes frå det vestlege greske fastlandet. Ho grenser i aust til Korinteidet, der Korintkanalen går gjennom, og i vest til Ríosundet, som skil Korintbukta frå den ytre Pátrabukta ved neset Kapp Drépano, som på det smalaste vert kryssa av Río-Andírio-brua. Korintbukta er nesten heilt omgjeve av perierieiningane Etoloakarnanía og Fokída i nord, Viotía i nordaust, Attikí i aust, Korinthía i søraust og sør og Akhaía i sørvest. Bukta er eit av dei mest seismisk aktive i Europa.

I mellomalderen vart bukta kalla Lepantobukta. Her vart det tredje slaget ved Lepanto utkjempa i 1571, der den osmanske flåten vart øydelagd. I 1772 vart ein annan tyrkisk flåte øydelagd av russarane ved inngangen til bukta. Byen Lepanto heiter i dag Návpaktos.

Skipsruta mellom Aten og til hamner i resten av verda, inkludert Middelhavet, går gjennom bukta. Ferjesamband går mellom Éjo og Ájos Nikólaos i den vestlege delen av bukta.

Bukta er 130 km lang og mellom 8,4 og 32 km brei.

Geologi

Bukta vart danna gjennom utvidinga av ei tektonisk rift. Rifta utvidar seg framleis med 3 cm i året, og dei omliggande forkastingane er svært seismisk aktive.

Byar

Byar ved bukta er mellom anna

• Návpaktos (nordvest)
• Sergoúla, inga hamn, men strand.
• Glyfáda, inga hamn
• Spiliá, inga hamn
• Ájos Nikólaos (nord)
• Galaxídi (nord), lita hamn
• Itéa (nord), lita hamn
• Kírra (nord), inga hamn
• Ájos Vasílios, lita hamn
• Pórto Jermenó (Egósthena) (aust), lita hamn og strender
• Psátha, i aust, stor strand
• Alepokhóri, (søraust)
• Loutráki, inga hamn
• Korint (søraust)
• Kiáto, (søraust)
• Xylókastro (sør)
• Dervéni
• Kráthio (sørvest), inga hamn
• Diakoptó (sørvest), strand
• Éjo (sørvest)
• Pátra (søraust), stor hamn
• Lógos (sørvest)
• Ákoli (sørvest), strand
• Káto Rodiná (vest-sørvest)
• Psathópyrgos (vest)

Elvar

Følgjande elvar munnar ut i Korintbukta:

I nord

• Mórnos

I sør

• Volinéos
• Sélemnos
• lita elv aust for Arakhovítika og Drépano
• Selinoúntas
• Vouraikós
• elv aust for Diakoptó
• Zakholítikos
• Asopós i Korinthía
• Sýthas ved Xylókastro

Kjelder

• Denne artikkelen bygger på «Gulf of Corinth» frå Wikipedia på engelsk, den 19. august 2007.

Bakgrunnsstoff

• Atlas over Korintbukta Arkivert 2006-08-13 ved Wayback Machine.
• Bilete frå Korintbukta
• Kart over Korintbukta Arkivert 2015-09-24 ved Wayback Machine.