Heino Puuste
| Heino Puuste | |
| Statsborgarskap | Estland |
| Fødd | 7. september 1955 (69 år) Lagedi |
| Idrett | friidrett |
| Tok del i | Sommar-OL 1980 |
| Utmerkingar | 4. klasse av Den hvite stjernes orden, Estonian Athlete of the Year, Estonian Coach of the Year |
Heino Puuste (fødd 7. september 1955) er ein estisk tidlegare friidrettsutøvar som i 1982 vann EM-sølv i spydkast som representant for Sovjetunionen.
Aktiv
[endre | endre wikiteksten]Puuste høyrde med i verdseliten i spydkasting frå 1980 til 86. 29. mai 1980 sette han personbeste i Helsinki med eit kast 89,32 meter. To månader seinare kasta han spydet 86,10 meter under OL-finalen og vart fjerdemann i tevlinga. Sist i juni 1982 forbetra Puuste seg i Cottbus til 90,32 m då Aust-Tyskland møtte Sovjetunionen til landskamp. Seinare i same sesongen sikra han seg sølvmedaljen ved europameisterskapen i Aten.
Under landskampen mellom Storbritannia og Sovjetunionen i Birmingham den 5. juni 1983 sletta Puuste den sovjetiske spydrekorden då han vann spydtevlinga. Med eit kast på 94,20 meter forbetra han landsrekorden til Jānis Lūsis med 40 cm. I den fyrste verdsmeisterskapen i friidrett i Helsinki i august månad enda Puuste på fjerdeplass. OL-sesongen 1984 kasta Puuste 91,86 m som best, men deltok ikkje i Los Angeles då Sovjetunionen boikotta leikane.
Medaljar og plasseringar i internasjonale meisterskap
[endre | endre wikiteksten]- OL 1980 i Moskva: Nr 4 – 86,10 m
- EM 1982 i Aten: Sølvmedalje – 89,56 m, bakom Uwe Hohn (91,34 m)
- VM 1983 i Helsinki: Nr 4 – 84,56 m
- EM 1986 i Stuttgart: Nr 5 – 80,34 m
Kjelder
[endre | endre wikiteksten]- Denne artikkelen bygger på «Heino Puuste» frå Wikipedia på tysk, den 6. juli 2020.