Halvor Asphol

Halvor Asphol
Statsborgarskap	Noreg
Fødd	15. juni 1961 (63 år) Hall in Tirol
Idrett	skihopping

Hallvor Asphol (fødd 15. juni 1961) er ein norsk kolonialhandlar og tidlegare skihoppar som representerte Kleive Idrettslag. Han kom på sjetteplass under skiflygings-VM 1981, og vart nummer to og kom pallen i eitt verdscuprenn i 1982.

Karriere

Asphol debuterte i verdscupen i St. Nizier i Frankrike i februar 1980, der han vart nummer 11. Seinare i sesongen vart han nummer åtte i Vikersund. Han deltok i verdsmeisterskapen i skiflyging 1981 i Oberstdorf der han vart nummer seks. Under hoppveka 1981/82 var han i sitt livs form då han splitta den austerrikske duoen Hubert Neuper og Armin Kogler ved å kome på andreplass i storbakken i Bischofshofen 6. januar 1982. Samanlagd vart han nummer fem i hoppveka.

Asphol var ein typisk krafthoppar som gjorde sine beste tevlingar i store bakkar. Hans lengste skihopp var på 175 meter, ei tangering av den dåverande noregsrekorden. Etter 1982 klarte han ikkje å hevde seg mellom dei beste og la opp i 1985.

Besteplasseringar i internasjonale meisterskap og renn

1980: Nr 8 i Vikersund 1981: Nr 6 i skiflygings-VM i Oberstdorf og i verdscupen i Engelberg 1982: Nr 2 i Bischofshofen 1984: Nr 4 i Sapporo 1985: Nr 10 i Lahti

Besteplasseringar i noregsmeisterskap

• Ski-NM 1980: Nr 8 i normalbakken i Asker
• Ski-NM 1981: Nr 6 i storbakken på Odnes
• Ski-NM 1982: Nr 8 i storbakken på Rena
• Ski-NM 1984: Nr 8 i normalbakken på Kongsberg
• Ski-NM 1985: Nr 10 i storbakken i Bærum

Kolonialhandlar

Asphol overtok i 1984 eit familiefirma som dreiv handel med kolonialvarer på Kleive i Molde. Sidan har han drive firmaet, som i 2011 heiter Halvor Asphol Dagligvarer (Joker Kleive).

Kjelder

• Sportsboken, aktuelle årgangar
• Joker Kleive Arkivert 2011-12-03 ved Wayback Machine.

Bakgrunnsstoff

• (en) Halvor Asphol – Profil og resultatoversikt hos FIS