Hønseegg
Hønseegg er den vanlegaste eggtypen i matlaging.
Egga kan vera hovudingrediensen i rettar som speilegg, kokt egg og omelett, eller brukast som bindemiddel i ei rekke andre rettar, som pannekaker, vaflar og sufflé.
Hønseegg får ein frå burhøns (høner innesperra i tronge bur), frittgåande høner (høner som får gå fritt rundt inne i store hønsehus) og «økologiske» høner (høner som får gå fritt rundt både inne og ute, og som får økologisk mat).
Hønseegg kan vera kvite, brune og alle nyansane derimellom.
I Noreg vert det brukt tre typar hybridar til eggproduksjonen; shaver, hyline og loman. Hybriden hy-line er særs god til bruk i frittgåande system. Ho har blant anna ei ekstra tjukk fjørdrakt.
