Custard Pie
| Custard Pie Song av Led Zeppelin frå albumet Physical Graffiti | ||
| Utgjeve | 24. februar 1975 | |
| Innspelt | 1974 | |
| Sjanger | Hardrock | |
| Lengd | 4:13 | |
| Selskap | Swan Song | |
| Tekstforfattar | Jimmy Page | |
| Låtskrivar(ar) | Page/Plant | |
|---|---|---|
| Produsent | Jimmy Page | |
«Custard Pie» er ein song av det engelske rockebandet Led Zeppelin frå albumet Physical Graffiti, frå 1975. Teksten til den riff-tunge songen hyllar bluesongar frå Robert Johnson-tida, særleg «Drop Down Mama» av Sleepy John Estes, «Shake 'Em On Down» av Bukka White og «I Want Some Of Your Pie» av Blind Boy Fuller.[1]
Songteksten kan stundom vere noko vanskeleg å forstå, men som mange andre songar på albumet er dei full av seksuelle referansar. I dette tilfellet refererer «Custard Pie» (krempai) til det kvinnelege kjønnsorganet og songen inneheld òg mange referansar til oralsex: Your custard pie, yeah, sweet and nice / When you cut it mama, save me a slice og chewin' a piece of your custard pie.
«Custard Pie» inneheld ein wah-wah-solo av gitarist Jimmy Page, som vart spela gjennom ein ARP-synthesizer.[1] John Paul Jones spelar òg elektrisk clavinet på songen medan vokalist Robert Plant spelar munnspel.[1]
Songen vart aldri spela på konsertane til Led Zeppelin[1] bortsett frå delar av songen under det akustiske settet på konserten i Houston i 1977.
Page spela songen på hans Outrider-turne, medan Page and Plant spela heile songen nokre gonger i 1996 under turneen deira for No Quarter: Jimmy Page and Robert Plant Unledded. I 1999 spela Page igjen songen, denne gongen med The Black Crowes, og ein versjon av dette finst på albumet Live at the Greek.
Songen vart gjeven ut på singel i Thailand med «Boogie with Stu» og «Trampled Under Foot» som B-sider.
Medverkande
[endre | endre wikiteksten]- Robert Plant - vokal, munnspel
- Jimmy Page - gitarar
- John Paul Jones - bassgitar, clavinet
- John Bonham - trommer
Andre versjonar
[endre | endre wikiteksten]- 1995: Helmet med David Yow (Encomium: A Tribute to Led Zeppelin)
- 1998: L.A. Guns (Hollywood Rehearsal)
- 1999: Eric Gales (Whole Lotta Blues: Songs of Led Zeppelin)
- 2000: Jimmy Page & The Black Crowes (Live at the Greek)
- 2002: Derek Trucks, Eric Gales, & Matt Tutor (All Blues'd Up: This Ain't No Tribute to Rock & Roll's Finest)
- 2005: Hampton String Quartet (Take No Prisoners!)
- 2006: Greg Reeves & Erica Stock (Dub Tribute to Led Zeppelin)
- 2007: Frankie Banali & Friends (24/7/365: The Tribute to Led Zeppelin)
- 2007: Zepparella (Pleasing Pounding)
Samplingar
[endre | endre wikiteksten]- 1986: Beastie Boys («Time to Get Ill»)
- 1988: Robert Plant («Tall Cool One»)
Kjelder
[endre | endre wikiteksten]- Denne artikkelen bygger på «Custard Pie» frå Wikipedia på engelsk, den 26. mars 2011.
- Wikipedia på engelsk oppgav desse kjeldene:
- Lewis, Dave (2004) The Complete Guide to the Music of Led Zeppelin, ISBN 0-7119-3528-9
- Welch, Chris (1998) Led Zeppelin: Dazed and Confused: The Stories Behind Every Song, ISBN 1-56025-818-7
- ↑ 1,0 1,1 1,2 1,3 Dave Lewis (1994), The Complete Guide to the Music of Led Zeppelin, Omnibus Press, ISBN 0-7119-3528-9.