Crawley

Crawley ; Borough of Crawley
	Queen's Square, eit stort shoppingområde i sentrum Queen's Square, eit stort shoppingområde i sentrum
	Motto; «I Grow and I Rejoice» ; (Eg veks og eg frydar meg)
Plassering
Styresmakter
Land	Storbritannia
Konstituerande land	England
Grevskap	West Sussex
Distrikt	Crawley
Grunnlagd	400-talet
Geografi
Flatevidd; - By	; 44,96 km²
Koordinatar	51°6′33″N 0°11′14″W / 51.10917°N 0.18722°W
Diverse annan informasjon
Postnummer	RH6 og RH10-11
Telefon-retningsnummer	01293
	Nettstad: www.crawley.gov.uk
Commons har multimedium som gjeld: Crawley

Crawley er ein by og eit administrativt distrikt i West Sussex, England. Han ligg ved grensa til Surrey. Byen er ikkje inndelt i mindre einingar som kretsar eller verdslege sokn.

Byen nådde eit folketal på noko under 10 000 før andre verdskrigen, ein vekst som for det meste skulda nærleiken til hovudvegen mellom London og Brighton, som i dag er M23 / A23. I 1950- og 1960-åra byrja han å vekse kraftig, etter at han i 1947 hadde vorte klassifisert som ein New Town, ein by som skulle byggjast opp for å avlaste storbyane i nærleiken, spesielt London. Folketalet nådde i løpet av 1960-åra 60 000, og han har halde fram å vekse. Under økonomiske oppgangstider i 1980-åra hadde byen det lågaste arbeidsløysenivået i Storbritannia.

Bydelar

Crawley er inndelt i 13 bydelar, som ikkje har noka administrativ rolle.

Distriktet omfattar òg området Gatwick, der London Gatwick Airport ligg.

Kjelder

Denne artikkelen bygger på «Crawley» frå Wikipedia på bokmål, den 10. juli 2011.