Cocteau Twins
| Cocteau Twins | |||
 | |||
| Aktiv | 1979– | ||
|---|---|---|---|
| Sjanger | ethereal wave, dream pop, gothic rock, post-punk, shoegaze | ||
| Plateselskap | 4AD | ||
Cocteau Twins var eit skotsk band som var aktivt i perioden 1979-1997. Det blei skipa i Grangemouth av Robin Guthrie (gitar, trommemaskin) og Will Heggie (bass) i 1979,[1] med Elizabeth Fraser på vokal frå 1981 og multi-instrumentalisten Simon Raymonde som erstattar for Heggie i 1983.
Musikken til gruppa var i utgangspunktet postpunk-inspirert, og hadde visse likskapstrekk med band som Siouxsie and the Banshees og Joy Division.[2] Bandet utvikla etterkvart eit eige, meir «drøymande» lydbilde som kom til å påverka fleire andre band gjennom 80- og 90-åra. Sentrale komponentar i musikken var den særprega klangen til vokalisten Elizabeth Fraser, som for det meste bestod av ugjenkjennbare ord og påfunne lydar,[3] og gitaristen Robin Guthrie sin prosesserte gitar.
Historie
[endre | endre wikiteksten]Etter å ha skrive kontrakt med plateselskapet 4AD i 1982, gav gruppa ut debutalbumet Garlands seinare same året.[3] Etter at Raymonde kom med i gruppa gav ho ut ei rad kritikarroste album og EP-ar med ein ny stil som omfatta The Spangle Maker (1984), Treasure (1984), Aikea-Guinea (1985), Tiny Dynamine (1985), Echoes in a Shallow Bay (1985) og Love's Easy Tears (1986).
Medan gruppa heldt fram med 4AD internasjonalt, skreiv ho kontrakt med Capitol Records i 1988 for distribusjon i USA, og gav ut det femte albumet sitt, Blue Bell Knoll, i september det året.[1] «Carolyn's Fingers» blei mykje spelt på amerikanske radiostasjonar, og nådde andreplasse på Billboard si Alternative Songs-liste.[4]
Bandet blei oppløyst etter utgjevinga av det åttande studioalbumet sitt, Milk & Kisses, medan det arbeidde på eit nytt album som ikkje blei gjeve ut.[3]
Album
[endre | endre wikiteksten]- Garlands (1982)
- Head Over Heels (1983)
- Treasure (1984)
- Victorialand (1986)
- The Moon and the Melodies (med Harold Budd, 1986)
- Blue Bell Knoll (1988)
- Heaven or Las Vegas (1990)
- Four-Calendar Café (1993)
- Milk and Kisses (1996)
Kjelder
[endre | endre wikiteksten]- ↑ 1,0 1,1 Colin Larkin, red. (1997). The Virgin Encyclopedia of Popular Music (Concise utg.). Virgin Books. s. 280. ISBN 1-85227-745-9.
- ↑ Prince, Bill (11 September 1982). «New 2 U: Cocteau Twins». Sounds.
- ↑ 3,0 3,1 3,2 Ankeny, Jason. «Cocteau Twins' Biography». AllMusic. Arkivert frå originalen 8. september 2011. Henta 8. mars 2012.
- ↑ «Cocteau Twins». Billboard. Arkivert frå originalen 17. november 2021. Henta 13. april 2020.
- Denne artikkelen bygger på «Cocteau Twins» frå Wikipedia på bokmål, og «Cocteau Twins» frå Wikipedia på engelsk den 28. juli 2022.