Chatham i Kent

Chatham
Elvebreidda ved Chatham frå Sun Pier Elvebreidda ved Chatham frå Sun Pier
Plassering
Styresmakter
Land	Storbritannia
Konstituerande land	England
Grevskap	Kent
Distrikt	Medway
Geografi
Innbyggjarar  - By (2007)	76 342
Koordinatar	51°22′N 0°32′E
Diverse annan informasjon
Postnummer	ME4, ME5
Telefon-retningsnummer	01634
Commons har multimedium som gjeld: Chatham i Kent

Chatham er ein by i Kent sør i England. Han voks opp rundt eit marineverft ved austbreidda av elva Medway.

Saman med Rochester og Gillingham er han del av eit urbant område med felles administrasjon, kjent som Medwaybyane. Det samla folketalet er omkring 250 000, medan Chatham har kring 75 000.

Marinebasen var svært sentral i oppbygninga av den engelske marinen på 1500-talet, men alt på 800-talet vart det bygd krigsskip på staden. Aktiviteten vart sterkt nedtrappa etter andre verdskrigen, og 1984 vart basen nedlagt. Delar av han er open for publikum som ein historisk stad, og resten av omgjort til ein kommersiell marina.

Under Napoleonskrigane låg fleire fangeskip (prisonskip) i Chatham og Gillingham, og der var innsett mellom anna norske fangar.

Den kongelege militære ingeniørskulen ligg i bydelen Brompton. Eit museum vigd Ingeniørkorpset ligg i nabobyen Gillingham.

Charles Dickens budde i Chatham frå han var fem til han var ti år gammal.

Kjelder

• Denne artikkelen bygger på «Chatham (Kent)» frå Wikipedia på bokmål, den 12. juli 2011.