Birger Motzfeldt

Birger Motzfeldt
Birger Motzfeldt til høgre, i samtale med Hjamar Riiser-Larsen
Statsborgarskap	Noreg
Fødd	22. februar 1898 Nesna kommune
Død	3. september 1987 (89 år)
Yrke	flygar
Ektefelle	Benny Motzfeldt

Birger Fredrik Motzfeldt (22. februar 1898–3. september 1987) var ein norsk flygar og offiser, fødd i Nesna. Han var 1955-60 sjef for det norske Luftforsvaret.

Infanterisoldaten Motzfeldt vart uteksaminert frå Krigsskulen i 1920. Deretter gjekk han over til flyging og tok eksamen ved flyskulen i 1924.

Vinteren 1939-40 var kaptein Motzfeldt i USA for å kjøpe nye fly til det norske forsvaret. Her teikna han og kollegaen, kaptein Kristian Østby, fleire kontraktar på fly.

Motzfeldt var i London då han i mai 1940 vart beordra til Washington D.C. som assisterande militærattaché. På overfarten med båt laga han eit planutkast, der han skisserte dei behova som måtte oppfyllast for å kome i gang med flygartrening i Canada. Planutkastet danna grunnlaget for det som skulle verte den militære treningsleiren Little Norway.

Frå 1942 til 1948 var Motzfeldt stabssjef i Flyvåpnenes Felleskommando, som etter at flyvåpna vart slått saman i ei eining i 1944, vart Luftforsvarets Overkommando. Frå 1948 var han sjef for Luftkommando Trøndelag til han åra 1952-55 var flyattaché i London.

Motzfeldt vart utnemnd til generalmajor og flykommandør i 1953. To år seinare kom eit nytt opprykk då han som generalløytnant vart øvste sjef for Luftforsvaret. Han vart dimittert i 1960.

Kjelder

• Norsk Allkunnebok. VIII. bandet. 1958

• Denne artikkelen bygger på «Birger Fredrik Motzfeldt» frå Wikipedia på bokmål, den 22. mars 2017.