Bamako

	Bamako
	by
Land	Mali
Areal	245 km²
Folketal	4 227 569 (2023)
	; Bamako; 12°38′45″N 7°59′32″W / 12.645833333333°N 7.9922222222222°W
	Wikimedia Commons: Bamako

Pont des Martyrs 'Martyrbrua', som bind i hop bydelane på kvar side av elva Niger.

Bamako er hovudstaden i det afrikanske landet Mali. Byen ligg ved elva Niger (Joliba 'blodelva' (joli 'blod', ba 'elv') på bambara) i den sørvestlege delen av landet. Bamako er administrativt sentrum i landet, og er ein viktig hamneby og eit regionalt handelssentrum. Hovudnæringane er tekstil, matvarer og metall.

Folkesetnad

Bamako er på sjetteplassen mellom dei raskast veksande byane i verda.^[1] I 1884 hadde byen 2 500 innbyggjarar, i 1908 8000 innbyggjarar,^[2] i 1945 37 000 innbyggjarar, i 1960, året då Mali blei uavhengig, hadde talet stige til 100 000, og i 2009 var det kome opp i 2 209 225.^{[treng kjelde]} Byen er dessutan den sjuande største i Vest-Afrika, etter Lagos, Abidjan, Kano, Ibadan, Dakar og Accra.

Namnet på byen

Namnet Bamako kjem frå bambara og tyder 'krokodillerygg' (bama 'krokodille'; kɔ 'rygg').^[3]

Bydelar

Bamako har desse bydelane; namna er skrivne på bambara (bamanankan) og nokre i tillegg på fransk (etter skråstreken når båe språka er med):

Hippɔdrɔme / Hippodrome
Korofina
Badalabugu / Badalabougou
Bamakɔ Kura / Bamako Coura
Jikoroni / Djicoroni
Bakɔ jikɔrɔni / Baco Djicoroni
Misira / Missira
Medina Kura / Médina Coura
Bankɔni / Bankoni
Maɲambugu / Magnambougou

Dravela
Jɛlibugu
Bolibana
Wɔlɔfɔbugu
Bajalan I,II,III
Ɲarela
Bagadaji
Bozola
Falaje
Ɲamakoro

Sɛbenikɔrɔ
Quinzanbugu
Kinsanbugu
Amdalayɛ
Sabalibugu
Titibugu
Lafiabugu
Badalabugu
Torokɔrɔbugu
Quartier du fleuve

Klima

Bamako ligg lengst sør i Sahel og har eit tropisk klima med ein gjennomsnittleg nedbør på 878 mm i året, og med ei klårt åtskild tørketid og regntid.

Venskapsbyar

Kjende personar som er fødde i Bamako

1954, 24. oktober, Amadou Bagayoko, songar og gitarist i Amadou & Mariam
1955, 23. juni, Jean Tigana, fransk fotballspelar og -trenar
1958, 15. april, Mariam Doumbia, songar Amadou & Mariam
1968, 25. februar, Oumou Sangaré, songar, feminist og menneskerettsaktivist
1979, 15. juli, Boubacar Diarra, malisk fotballspelar
1978, 15. april, Soumaila Coulibaly, malisk fotballspelar i FSV Frankfurt

Kjelder

↑ The world’s fastest growing cities and urban areas from 2006 to 2020
↑ S. Konaté, Bamako, enracinée dans l’histoire, ouverte au Monde, L’Essor, 1. desember 2005.
↑ Brauner, Siegmund 1974. Lehrbuch des Bambara. Leipzig: VEB Verlag Enzyklopädie.

Bakgrunnsstoff

Commons har multimedium som gjeld: Bamako

[1] The world’s fastest growing cities and urban areas from 2006 to 2020

[2] S. Konaté, Bamako, enracinée dans l’histoire, ouverte au Monde, L’Essor, 1. desember 2005.

[3] Brauner, Siegmund 1974. Lehrbuch des Bambara. Leipzig: VEB Verlag Enzyklopädie.

[1]

[2]

[3]