Andreas Kiønig
| Andreas Kiønig | |||
 Andreas Aagaard Kiønig på eit måleri av Jacob Munch. Tilhøyrer Oslo museum. Frå DigitaltMuseum | |||
| Fødd | 8. august 1771 | ||
|---|---|---|---|
| Død | 1. mars 1856 (84 år) | ||
| Statsborgar av | Noreg | ||
| Yrke | dommar, politikar, advokat | ||
| Alle verv |
| ||
Andreas Aagaard Kiønig (8. august 1771–1. mars 1856) var ein norsk embetsmann og stortingsmann.
Kiønig var fødd i Grue. Han vart uteksaminert cand.jur. i 1790. Åra 1793 til -98 var han tilsett i kanselliet i København. Frå 1798 var han sorenskrivar i Østerdalen.
Kiønig var med i riksforsamlinga i 1814 som 2. utsending frå Hedmark. På Eidsvoll slutta han seg til sjølvstendepartiet.
Same året, 1814, vart han tilsett som assessor i Noregs Høgsterett. I 1836 var Kiønig ein av kandidatane til stillinga som høgsterettsjustitiarius, men det vart Georg Jacob Bull som vart utnemnd. Kiønig trekte seg då, 1837, frå Høgsterett.
I eigenskap av høgsterettsdommar var Kiønig medlem av riksrettane 1815-16, 1821-22 og 1836, ved det siste høvet som fungerande justitiarius. Ved riksretten 1827 melde han forfall grunna sjukdom.
I perioden 1816-21 var Kiønig statsrevisor.
Kiønig, som levde ugift, døydde på garden sin, Oppsal, i Elverum. Eit minnesmerke vart reist på grava hans på Elverum kyrkjegard.
Kjelder
[endre | endre wikiteksten]- Tallak Lindstøl: Stortinget og Statsraadet 1814-1914. Kristiania, 1914
Bakgrunnsstoff
[endre | endre wikiteksten]- Biografisk informasjon om Andreas Kiønig NSD Norsk senter for forskningsdatas politikararkiv