Eneduana

Eneduana ma sindruhu döinia Enheduanna (auri ambö töra döfi 2286 – 2251 föna Keriso) no samösa gere ira'alawe khö Nanna, töi lowalangi agama baŵa ba danö Ur.^[1] Ya'ia andre no ono khö razo Sargon moroi ba Akaddia samatörö tanö Ur me luo da'ö.^[2] Tehöngö Eneduana börö me tefa'oli ia ba gotalua ndra sanura (li Indonesia: penulis) ba zi sagörö tanö Sumeria, heza tefaböbö danö Ur. Duma-dumania ya'ia zanura sinura "Fangalaŵa'ö Inanna" awö zinura "Sinunö Gosali Sumeria".^[3] So ösa ba gotalua gere sangosili Assyria sangiwa tödö wa Eneduana samösa zanura oi sinura andrö, börö me tola manö wa niha bö'ö zanura ya'ia bahiza lafobahulu ia khö Eneduana.

Me lakhao-khao danö ba Ur me 1927, ba wangalu-ngalui ngawalö wakake moroi ba ginötö föna (li Indonesia: penggalian arkeologis) lasöndra ira Sir Leonard Woolley sambua gara sanifi sihulö zaere, heza tesura döi Eneduana tanö furi ba gambarania tanö föna zaere andrö.^[4]

Heŵa'ae ono razo ia, no itörö wa'afökhö Eneduana, me lara'u ia niha moroi ba soi bö'ö, sohawui ba sangalani amatöröŵa namania. Lö ara aefa da'ö, te'efa'ö ia moroi ba wangosawuyu andrö, me i'efa'ö ia talifusönia Lugal-Ane. Furi hö isura oi nitörönia andrö Eneduana. Duma-dumania imane wanura bakha ba sambua sinura, "Eneduana ndra'o, dafahuhuo ndra'o khömi! Fangandrögu ba taŵa hörögu mangele tou hulö zangehaoni sami sanasai. Möido ba lumö ba ifönui ndra'o gawu-gawu."^[5]

Umbu

↑ So Ur andre ba danö Irak ma'ökhö. Ba danö andre göi tumbu Gaberahamo.
↑ Black, Jeremy; Cunningham, Graham; Robson, Eleanor; Zólyomi, Gábor (2006). The Literature of Ancient Sumer. Oxford University Press. ISBN 978-0-19-929633-0.
↑ Westenholz, Joan Goodnick (1989). Enḫeduanna, En-Priestess, Hen of Nanna, Spouse of Nanna. In Behrens, Hermann; Loding, Darlene; Roth, Martha T. (eds.). DUMU-E-DUB-BA-A : Studies in Honor of Åke W. Sjöberg. Philadelphia, PA: The University Museum. pp. 539–556. ISBN 0-934718-98-9.
↑ Winter, Irene (2009). Women In Public: The Disk Of Enheduanna, The Beginning Of The Office Of En-Priestess, And The Weight Of Visual Evidence. In Winter, Irene (ed.). On Art in the Ancient Near East Volume II: From the Third Millennium BCE. Brill. nga'örö 65–84. ISBN 978-90-474-2845-9.
↑ Simon Sebag Montefiore, The World. A Family History, London, Widenfeld & Nicolson, 2022, nga'örö 4.

[1] So Ur andre ba danö Irak ma'ökhö. Ba danö andre göi tumbu Gaberahamo.

[2] Black, Jeremy; Cunningham, Graham; Robson, Eleanor; Zólyomi, Gábor (2006). The Literature of Ancient Sumer. Oxford University Press. ISBN 978-0-19-929633-0.

[3] Westenholz, Joan Goodnick (1989). Enḫeduanna, En-Priestess, Hen of Nanna, Spouse of Nanna. In Behrens, Hermann; Loding, Darlene; Roth, Martha T. (eds.). DUMU-E-DUB-BA-A : Studies in Honor of Åke W. Sjöberg. Philadelphia, PA: The University Museum. pp. 539–556. ISBN 0-934718-98-9.

[4] Winter, Irene (2009). Women In Public: The Disk Of Enheduanna, The Beginning Of The Office Of En-Priestess, And The Weight Of Visual Evidence. In Winter, Irene (ed.). On Art in the Ancient Near East Volume II: From the Third Millennium BCE. Brill. nga'örö 65–84. ISBN 978-90-474-2845-9.

[5] Simon Sebag Montefiore, The World. A Family History, London, Widenfeld & Nicolson, 2022, nga'örö 4.

[1]

[2]

[3]

[4]

[5]