Wapen vun Noordkorea
Dat Wapen vun Noordkorea wiest en Stausee mit en Waterkraftwark un en Hoochspannungsmast vör en blaue Bargkeed (stellt den Paektu dor), de Toppen vun de Bargen ünner witt Snee. Dör över steiht en roden Steern, de vun Strahlen ümgeven is. Links un rechts is dat Wapen ümrahmt vun Riesahrn (de Ahrn geel mit gröön Riesbläder). Üm de Riesahren is en rood Mottoband mit’n Naam vun dat Land in witt fluchten (조선민주주의인민공화국, Demokraatsche Volksrepublik Korea). Dat Utsehn is anlehnt an dat Wapen vun de Sowjetunion. Dat Wapen is in de Verfaten vun Noordkorea in Artikel 163 fastleggt un an’n 8. September 1948 annahmen worrn.
Literatur
[ännern | Bornkood ännern]- Karl-Heinz Hesmer: Flaggen und Wappen der Welt. Geschichte und Symbolik der Flaggen und Wappen aller Staaten. Bertelsmann Lexikon Verlag, Gütersloh 1992, ISBN 3-570-01082-1.