Kalawao County

Kalawao County
Bundsstaat	Hawaii
Inwahnertall	90 (2010)
Rebeet	31,1 km²
Inwahnerdicht	2,9 Inwahners op’n km²

Kalawao County is en Kreis (County) in’n US-Bundsstaat Hawaii. He hett 90wahners (Stand Zensus 2010) op en Rebeet vun 34 km². Verwalten deit den Kreis en wählt Sheriff.

Historie

De Kreis besteiht ut de Dörper Kalaupapa, Kalawao un Waikolu. Se sünd nich Deel vun den Maui County, de den Rest vun dat Eiland Molokai innimmt. Dat Rebeet weer vun 1866 af an bet 1969 ene Lepra-Statschoon, wo de Lepra-Kranken ünnerbrocht worrn sünd, dat se kene annern Lüüd anstecken kunnen. De inheemschen hawaiiaanschen Inwahners müssen 1865 dat Land verlaten. De Kreis is toglieks as Natschonal Histoorsch Park Kalaupapa schuult.

De Kreis is na dat Rebeet de lüttste Kreis in de USA un na de Inwahners de tweetlüttste glieks na Loving County in Texas.

Demografie

Vun de 147 Inwahners bi’n Zensus vun 2000 harrn 58 Minschen Arbeit. Dat Inkamen je Kopp vun de hele Inwahnertall weer 13.756 US-Dollar. 58 Minschen hebbt op de Highschool ’n Afsluss maakt, ’n Afsluss an’e Universität, de ’n Bachelor-Afsluss oder noch höger weer, hebbt 15 Minschen maakt. 40,14 % vun de Inwahners leven 2000 ünner de Inkamensgrenz to de Armoot.

40,14 % hebbt 2000 tohuus ’n annere Spraak as Engelsch snackt un 20,41 % vun de Inwahners sünd buten de USA boren worrn.

Vun de Vöröllern her sünd 25,85 % vun de Minschen Witte, 17,01 % stammt ut Asien un 48,30 % vun de Eilannen in’n Pazifik. 2,72 % hebbt sik sülven to noch annere Gruppen torekent. 6,12 % hebbt angeven, dat se Vörfohren vun ünnerscheedliche Afstammung hebbt. As Nakamen vun Lüüd ut Latienamerika hebbt sik 4,08 % vun de Lüüd ansehn.

Inwahnertall

Johr	Inwahnertall
1900	1.177 Inwahners
1910	785 Inwahners
1920	667 Inwahners
1930	605 Inwahners
1940	446 Inwahners
1950	340 Inwahners
1960	279 Inwahners
1970	172 Inwahners
1980	144 Inwahners
1990	130 Inwahners
2000	147 Inwahners
2010	90 Inwahners

Weblenken

• U.S. Census Bureau (engelsch)