Globulin

Globulinen sünd Proteinreservstoffen bi Planten un Proteinen vun’t Bloodplasma. Se warrt to de Grupp vun de Globuläär Proteinen tellt. Billt warrt Globulinen vör allen in de Lebber. In’t Bloodplasma maakt se ungefähr 40 % vun all Proteinen ut, jemehr Masse liggt twüschen 36 kDalton un 1,3 MDalton. Bi 60°C billt Globulinen Klutens, butendem warrt se dör Fällmiddels denatureert. Afboot warrt se vu Enzymen oder dör Hydrolys.

Globulinen sünd Proteinen, de sik in Water normalerwies nich löst, man mit verdünnt Neutralsoltlösen (t. B. Ammoniumsulfatlösen) löst warrn künnt. Se hebbt in’n Lief vele Funkschonen, üner annern as Enzymen, bi’t Instellen vun den pH-Weert, as Energieleverers, Transporterers un bi de Hämostaas. Aver de Hööftopgaav vun de Globulinen liggt op dat Rebeet vun de natürlichen un anegenten Immunität gegen Frömdkörpers. De immunologisch aktiven Globulinen warrt as Immunglobulinen (Antikörpers) betekent. Jemehr Synthees geiht in Plasmazellen vör sik.

Na jemehr Beweglichkeit bi de Elektrophorees warrt se in veer Koppels ünnerdeelt:

• α₁-Globulinen
  • Transcortin (Steroid-Transport)
  • Transcobalamin (Vitamin B₁₂-binnend)
  • Thyroxin-binnend Globulin
  • Bilirubin-Transporter
  • Prothrombin (Proenzym vun’t Thrombin)
  • Gc-Globulin (Vitamin D-binnend)
• α₂-Globulinen
  • Haptoglobin: Hämoglobinbinnen
  • Caeruloplasmin: Transport vun Cu-Ionen
• β-Globulinen
  • Lipid-transporteerend Beta-Lipoproteine: Lipidtransport
  • Transferrin: Iesentransport
  • Fibrinogen: Vörstoop vun’t Fibrin
  • Hämopexin: Häminbinnen un -transport
  • C-Reaktiv Protein: Akut Phaas Protein
• γ-Globulinen
  • Immunglobulinen (Antikörpers) (IgA, IgD, IgE, IgG, IgM)