Echte Goldpeer

Ünnerstamm:	Tracheendeerter (Tracheata)
Böverklass:	Sessfööt (Hexapoda)
Klass:	Insekten
Ünnerklass:	Fleeginsekten (Pterygota)
Ornen:	Goldpeer (Odonata)

Wetenschoplich Naam

Anisoptera

Sélys, 1854

De Echten Goldpeer oder Verschedenflunken (Anisoptera) sünd en Unnerornen vun grote Insekten, de tohopen mit twee annere Unnerornen de Ornen vun de Goldpeer (Odonata) utmaken doot. Över de ganze Welt hen sünd woll bi 3.000 Aarden vun Echte Goldpeer beschreven. In Europa kaamt avers man bloß 90 Aarden vör, in de Nedderlannen un Belgien sünd dat 45 Aarden, in Düütschland gifft dat alltohopen 51 Aarden.

Echte Goldpeer könnt vun de Jumfern goot ut’neen holen weern. Dat Lief is ganz anners tohopenboot. Bi de Echten Goldpeer sünd de Achterflunken breeder, as de Vörflunken. Dor kümmt ok de wetenschoppliche Naam Anisoptera vun her. De bedutt: Verschedenflunken. Bi de Jumfern sünd de Flunken vörn un achtern nu just liek, wat ja ok de wetenschoppliche Naam Zygoptera bedüden deit. Wenn de Echten Goldpeer sitten gaht, foolt se jem ehre Flunken nich över dat Achterlief tosamen, man se streckt se na de Sieten hen ut. Echte Goldpeer sund ok, anners as de Jumfern, wohre Fleegkünstlers.

In’t Allgemeene weert de Echten Goldpeer ok grötter (32 bit 105 mm), as de Jumfern (23 bit 49 mm). Ok jem ehre Larven bruukt länger to’n Wassen, as de Jumfernlarven. En enkelte Aart kümmt mit en paar Maanden as Larve torecht, man bi de meisten Aarden överwintert de Larve 1 - 3 mol (5 mol kümmt ok vör). Dat utslüppte Goldpeerd süms leevt bi de Echten Goldpeer jummers bloß man en paar Weken oder Maanden.

Jumfern sünd wat fiener boot un slanker, dat Achterlief is jummers rund un dünn. Bi Echte Goldpeer is dat Achterlief dicker un towielen ok platt. Ok de Ogen verscheelt: De vun de Echten Goldpeer sünd grötter un röögt an’anner, bloß nich bi de Kohsteerten. De Ogen vun de Jumfern sünd wat minner groot un staht wieter ut’neen.

De Echten Goldpeer un ok de Jumfern kennt en Unvullstännigen Gestaltwessel. De Larve strepelt ehre Huut af un warrt denn na dat leste Mol en Insekt mit Flögels un mit faken dannige Farven. De Larve is um un bi fiev cm lang, mit en tämlich breden Achterlief ohn Steertkemen. Larven vun de Echten Goldpeer hefft en Strahlandriev: Se pumpt Water na binnen un drückt dat denn an de Achtersiet wedder na buten un so suust se vörut.

Taxonomie

In Noorddüütschland, Belgien un de Nedderlannen

Familie Glasemakers (Aeshnidae)
- Oort Peerdsteker (Aeshna mixta)
- Oort Süüdlich Glasemaker (Aeshna affinis)
- Oort Fröh Glasemaker (Aeshna isosceles)
- Oort Bruun Glasemaker (Aeshna grandis)
- Oort Blau Glasemaker (Aeshna cyanea)
- Oort Gröön Glasemaker (Aeshna viridis)
- Oort Fehnglasemaker (Aeshna juncea)
- Oort Noordisch Glasemaker (Aeshna subarctica)
- Oort Groot Kaisergoldpeerd (Anax imperator)
- Oort Süüdlich Kaisergoldpeerd (Anax parthenope)
- Oort Sadelgoldpeerd (Anax ephippiger)
- Oort Glassnieder (Brachytron pratense)
Familie Kohsteerten (Gomphidae)
- Oort Beekkohsteert (Gomphus vulgatissimus)
- Oort Geel Kohsteert (Gomphus simillimus)
- Oort Miegkohsteert (Gomphus pulchellus)
- Oort Stroomkohsteert (Gomphus flavipes)
- Oort Gaffelgoldpeerd (Ophiogomphus cecilia)
- Oort Groot Tangengoldpeerd (Onychogomphus uncattus)
- Oort Lütt Tangengoldpeerd (Onychogomphus forcipatus)
Familie Borngoldpeer (Cordulegasteridae)
- Oort Normol Borngoldpeerd (Cordulegaster boltonii)
- Oort Süüdlich Borngoldpeerd (Cordulegaster bidentata)
Familie Glanzgoldpeer (Corduliidae)
- Oort Smaragdgoldpeerd (Cordulia aenea)
- Oort Metallglanzgoldpeerd (Somatochlora metallica)
- Oort Placken-Glanzgoldpeerd (Somatochlora flavomaculata)
- Oort Hoochfehnglanzgoldpeerd (Somatochlora arctica)
- Oort Tweeplack (Epitheca bimaculata)
- Oort Bronzgoldpeerd (Oxygastra curtisii)
Familie Koornsnieders (Libellulidae)
- Oort Veerplack (Libellula quadrimaculata)
- Oort Plattbuuk (Libellula depressa)
- Oort Bruun Koornsnieder (Libellula fulva)
- Oort Normol Övergoldpeerd (Orthetrum cancellatum)
- Oort Beekövergoldpeerd (Orthetrum coerulescens)
- Oort Süüdlich Övergoldpeerd (Orthetrum brunneum)
- Oort Fehnwittsnuutgoldpeerd (Leucorrhinia dubia)
- Oort Nöördlich Wittsnuutgoldpeerd (Leucorrhinia rubicunda)
- Oort Placken-Wittsnuutgoldpeerd (Leucorrhinia pectoralis)
- Oort Ööstlich Wittsnuutgoldpeerd (Leucorrhinia albifrons)
- Oort Lütt Wittsnuutgoldpeerd (Leucorrhinia caudalis)
- Oort Swart Heidegoldpeerd (Sympetrum danae)
- Oort Bandheidegoldpeerd (Sympetrum pedemontanum)
- Oort Blootroot Heidegoldpeerd (Sympetrum sanguineum)
- Oort Kemper Heidegoldpeerd (Sympetrum depressiusculum)
- Oort Geelplacken-Heidegoldpeerd (Sympetrum flaveolum)
- Oort Heidegoldpeerd (Sympetrum fonscolombii)
- Oort Bruunroot Heidegoldpeerd (Sympetrum striolatum)
- Oort Steenroot Heidegoldpeerd (Sympetrum vulgatum)
- Oort Süüdlich Heidegoldpeerd (Sympetrum meridionale)
- Oort Füergoldpeerd (Crocothemis erythraea)

Al Familien vun de Welt

Glasemakers (Aeshnidae)
Kohsteerten (Gomphidae)
Neopetaliidae
Petaluridae
Borngoldpeer (Cordulegastridae)
Chlorogomphidae
Macromiidae
Synthemistidae
Glanzgoldpeer (Corduliidae)
Koornsnieders (Libellulidae)

Biller

Süüdlich Glasemaker (Aeshna affinis)
Blau Glasemaker (Aeshna cyanea)
Bruun Glasemaker (Aeshna grandis)
Fehnglasemaker (Aeshna juncea)
Peerbieter (Aeshna mixta)
Groot Kaisergoldpeerd (Anax imperator)
Süüdlich Kaisergoldpeerd (Anax parthenope)
Stroomkohsteert (Gomphus flavipes)
Miegkohsteert (Gomphus pulchellus)
Beekkohsteert (Gomphus vulgatissimus)
Lütt Tangengoldpeerd (Heken Onychogomphus forcipatus)
Gaffelgoldpeerd (Ophiogomphus cecilia)
Normol Borngoldpeerd (Seken Cordulegaster boltonii)
Smaragdgoldpeerd (Cordulia aenea)
Hoochfehnglanzgoldpeerd (Somatochlora arctica)
Placken-Glanzgoldpeerd (Somatochlora flavomaculata)
Metallglanzgoldpeerd (Somatochlora metallica)
Füergoldpeerd (Heken Crocothemis erythraea)
Lütt Wittsnuutgoldpeerd (Leucorrhinia caudalis)
Fehnwittsnuutgoldpeerd (Seken Leucorrhinia dubia)
Placken-Wittsnuutgoldpeerd (Heken Leucorrhinia pectoralis)
Nöördlich Wittsnuutgoldpeerd (Heken Leucorrhinia rubicunda)
Plattbuuk (Heken Libellula depressa)
Bruun Koornsnieder (Libellula fulva)
Veerplack (Seken Libellula quadrimaculata)
Süüdlich Övergoldpeerd (Heken Orthetrum brunneum)
Normol Övergoldpeerd (Seken Orthetrum cancellatum)
Beekövergoldpeerd (Orthetrum coerulescens)
Swart Heidegoldpeerd (Seken Sympetrum danae)
Kemper Heidegoldpeerd (Sympetrum depressiusculum)
Geelplacken-Heidegoldpeerd (Heken Sympetrum flaveolum)
Heidegoldpeerd (Sympetrum fonscolombii)
Bandheidegoldpeerd (Sympetrum pedemontanum)
Blootroot Heidegoldpeerd (Heken Sympetrum sanguineum)
Bruunroot Heidegoldpeerd (Seken)Sympetrum striolatum)
Steenroot Heidegoldpeerd (Seken Sympetrum vulgatum)

Kiek ok bi

Projekt: Deerternaams up Platt

Borns

Frank Bos, Marcel Wasscher en Weia Reinboud (2007): Veldgids Libellen, KNNV Uitgeverij, 5. Uplaag, ISBN 978-90-5011-264-2
Jill Silsby (2001): Dragonflies of the World, Smithsonian, ISBN 1-56098-959-9