Adam Guy Riess
Adam Guy Riess (* 16. Dezember 1969 in Washington D. C.) is en US-amerikaansch Astronom, de sien Forschen sück mit dat Bruuken vun Supernovae as kosmologisch Entfernungsmaatstaff befaat. 2011 wurr hüm de Nobelpries för Physik tospraken.
Leven
[ännern | Bornkood ännern]Riess hett an dat Massachusetts Institute of Technology (Bachelor-Afsluss 1992) studeert un hett sien Doktertitel Ph. D. 1996 an de Harvard University mit en Arbeit över Typ-I-Supernovae, makt. Betrüet wurr he dorbi vun Robert Kirshner. Af 1992 weer he an dat Lawrence Livermore National Laboratory. Riess weer Deel vun Brian Schmidt sien High-z Supernova Search Team, een vun de beid Gruppen, de Enn’ vun de 1990er Johren middels Supernovae nahwiest hebbt, dat sück dat Universum immer gauer utdehnt. Riess gung denn 1996 (as Miller Fellow) an de University of California, Berkeley un 1999 bit 2005 as Senior Staff Scientist an dat Space Telescope Science Institute.
Siet 2006 is he Perfesser för Physik un Astronomie an de Johns Hopkins University.
Mit dat Hubble Space Telescope verfolg he en Söökprogramm nah Supernovae bi noch höhger Rootverschuuven, dat bit in de fröh verzögert Utdehnensphasen vun dat Universum reckt.
2011 wurr hüm gemeensam mit Saul Perlmutter un Brian Paul Schmidt de Nobelpries för Physik tospraaken. Würdigt wurr hör Opdecken vun de beschleunigt Expansion vun dat Universum dör dat Beobachten vun feern Supernovae.[1]
Riess is siet 2008 Liddmaat vun de American Academy of Arts and Sciences un siet 2009 vun de National Academy of Sciences.
Utteknungen
[ännern | Bornkood ännern]- 2002: Helen-B.-Warner-Pries
- 2006: Shaw Prize
- 2008: MacArthur Fellowship
- 2011: Albert-Einstein-Medaille
- 2011: Nobelpries för Physik
Weblenken
[ännern | Bornkood ännern]
Category:Adam Riess. Mehr Biller, Videos oder Audiodateien to’t Thema gifft dat bi Wikimedia Commons.
Enkeld Nahwiesen
[ännern | Bornkood ännern]- ↑ The Nobel Prize in Physics 2011 bi nobelprize.org, 4. Oktober 2011 (engelsch; afroopen an’ 4. Oktober 2011).