Achernar
| Achernar | |
 | |
| Positschoon un Beteken | |
| Steernbild | Eridanus; Eri |
| Rektaszension | 1h37m42,85s[1] |
| Deklinatschoon | -57°14′12,3″[1] |
| Annere Naams | – |
| Bayer-Beteken | α |
| Córdoba-Dörmustern | CD −57° 316 |
| Bright-Star-Kataloog | HR 472 |
| Henry-Draper-Kataloog | HD 10144 |
| SAO-Kataloog | SAO 232481 |
| Tycho-1-Kataloog | TYC 8478-1395-1[2] |
| Hipparcos-Kataloog | HIP 7588[3] |
| 2MASS-Kataloog | 2MASS J01374284-5714119[4] |
| Physikaalsch Parameter | |
| Afstand | 143,8 ± 3,6[1] Lj |
| schienbore Helligkeit | +0,50[1] |
| Spektralklass | B3 Vpe[1] |
| Sünnerheiten | |
Achernar, ok bekannt as α Eridani, is de hellste Steern in’t Steernbild Eridanus un een vun de teihn hellsten Steerns an’n helen Himmel. Man, he stieht so wiet in’n Süüden, dat he vun Europa ut nich to sehn is.
Achernar is 2003 vun’t Very Large Telescope Interferometer (VLTI) beobacht worrn. Dorbi hett sik wiest, dat de Steern dör sien hoge Rotatschoonssnelligkeit vun tomindst 230 km/s bannig afplatt is. De akkerate Weert vun de Rotatschoonssnelligkeit hangt aver vun de Utrichten vun de Rotatschoonsass af, de nich nipp un nau bekannt is. Sien Dörmeter an’n Äquater is tomindst dat annerhalffacke vun’n Dörmeter an’n Pool[5], also de Afplatten bedriggt 1:3 oder noch mehr.
Historie
[ännern | Bornkood ännern]
De Naam vun’n Steern, araabsch araabsch: آخر النهر, DMG āḫiru ʾn-nahr, kummt ut dat Ooltaraabsche un bedüüt „dat Enn vun’n Stroom”, vun wegen dat he dat süüdliche enn vun dat vun den Stroom Eridanus markeert. He keem an de Steed vun Acamar (θ(1) Eridani), de dat Enn vun den Stroom in ptolemäisch-greeksche Tarditschoon markeert un dat glieke bedüüt. In de Antike, ruchweg 1500 v.Chr., leeg Achernar wegen de Präzession op en Deklinatschoon vun −76° un künn ok in Ägypten nich beobacht warrn, wiel de nöördlichere Acamar op Kreta jüst so över den Horizoont kieken de.
De laatantiken-fröhmiddelöllerlichen Seefohrers ut Lüttasien hebbt em op jemehr Afrika-Fohrten wohrschienlich as Markeren bruukt. Dat gifft ok beduiensch-araabsche Dorstellen vun Achernar un Fomalhaut as en Poor Straußen[6]. De Steern Achernar wannert ok in de nächsten Johrdusenden wieter na Noorden hen. In fiefhunnert Johren warrt he den Horizont vun Kreta överstiegen. un twüschen 7900 bit 10500 n.Chr. kann he denn sogors ok in Düütschland beobacht warrn. Dorna wannert he denn wedder na Süden.
Na den Steern sünd de Mount Achernar un Achernar Island in de Antarktis nöömt
Weblenken
[ännern | Bornkood ännern]
Borns
[ännern | Bornkood ännern]- ↑ a b c d e SIMBAD-Datenbank
- ↑ Tycho-1-Kataloog
- ↑ Hipparcos-Kataloog
- ↑ 2MASS-Kataloog
- ↑ ESO press release: Flattest star ever seen
- ↑ Jan Ridpath: Startales. The Celestial Eighty-eight. Eridanus. The River