ANC
De ANC, utschreven African National Congress (Afrikaansche Natschonalkongress) is en politsche Partei, de in Süüdafrika vun de eersten freen, allgemenen Wahlen vun 1994 af an regeert. De Partei is an'n 8. Januar 1912 in Bloemfontein as South African Native National Congress (SANNC) grünnt wurrn. de hüdige Naam is eerst 1923 annahmen wurrn.
Historie
[ännern | Bornkood ännern]De ANC is unner annern vun John Dube, Pixley Seme un Sol Plaatje grünnt wurrn. He scholl sik för de Rechten un Freeheiten vun all Afrikaners insetten. De ANC-Jöögdliga is eerst 1944 vun Nelson Mandela, Walter Sisulu un Oliver Tambo grünnt wurrn.
De Winnst vun de Nasionale Party bi de Wahlen vun 1948 un dat Inföhren vun de Apartheid hett de so nömmte Defiance Campaign vun 1952 un dat Upstellen vun de Charta vun de Freeheit 1955 na sik tagen.
Vunwegen sien freedsamen Wedderstand gegen de Apartheid un vunwegen dat he dor allerhand för up sik nehmen möss, hett de ANC-Vörsitter Albert Luthuli in'n Dezember 1961 den Nobelpries för Freden tospraken kregen. He hett, tosamen mit siene Fro Nokukhanya, vun de witte Regeern Verlööv kregen, bi de Övergave vun de Urkunne in Oslo mit bi to ween.
As de ANC na de -Sake beslaten hett, vun nu af an ok gewalt in sien Striet gegen de Apartheid an to wennen, un as de Umkhonto we Sizwe (MK) grünnt wurrn weer, is Nelson Mandela, tohopen mit 18 annere MK-Liddmaten, an'n 11. Juni 1963 bi Rivonia in Haft nahmen wurrn. Bi dat so nömmte Rivonia-Verhöör is Mandela, Walter Sisulu, Govan Mbeki, Raymond Mhlaba, Elias Motsoaledi, Ahmed Kathrada un Denis Goldberg an'n 11. Juni 1964 vörsmeten wurrn, se harrn Sabotage bedreven. All sünd se to levenslange Haft verordeelt wurrn.[1]. Dorna is de ANC verbaden wurrn.
Organisatschonen, de mit den ANC tosamenarbeiden doot
[ännern | Bornkood ännern]- Anti-Apartheidsbewegen
- Cosatu
- Sozialistische Internatschonale
- Süüdafrikaansche Kommunistische Partei (SAKP)
- UDF
Präsidenten vun den ANC[2]
[ännern | Bornkood ännern]- John L. Dube 1912 - 1917
- Sefato M. Makgatho 1917 - 1924
- Zaccheus R. Mahabane 1924 - 1927
- Josiah T. Gumede 1927 - 1930
- Pixley ka Isaka Seme 1930 - 1936
- Zaccheus R. Mahabane 1937 - 1940
- Alfred B. Xuma 1940 - 1949
- James S. Moroka 1949 - 1952
- Albert Luthuli 1952 - 1967
- Oliver Tambo 1967 - 1991
- Nelson Mandela 1991 - 1997
- Thabo Mbeki 1997 - 2007
- Jacob Zuma 2007 - 2017
- Cyril Ramaphosa 2017 -
Wat bi de Wahlen för den ANC rutkamen is
[ännern | Bornkood ännern]| Wahl | Stimmen | % | Setels |
|---|---|---|---|
| 2009 | 11,650,748 | 65.90 | 264 |
| 2004 | 10,880,915 | 69.69 | 279 |
| 1999 | 10,601,330 | 66.35 | 266 |
| 1994 | 12,237,655 | 62.65 | 252 |
Weblenken
[ännern | Bornkood ännern]Footnoten
[ännern | Bornkood ännern]- ↑ [1]
- ↑ Uys, Isabelle. (2007). Feitegids : 'n Kernensiklopedie. Kaapstad: Pharos Woordeboeke. ISBN 978-1-86890-065-7. bls. 9.