Mats Hummels
Mats Julian Hummels (* 16. Dezember 1988 in Bergisch Gladbach) is en düütsch Footballspeler. De Defensivakteur speelt siet Anfang 2008 bi Borussia Düörpm un is dor meest as Binnenverteidiger oder as defensiv Middelfeldmann insett.
Karriere
[ännern | Bornkood ännern]Vereen
[ännern | Bornkood ännern]De Söhn vun de Sportjournalistin Ulla Holthoff un den Footballspeler Hermann Hummels[1] speel siet sien söbenten Levensjohr bi FC Bayern München, bi de sien Vader Hermann ok as „Junioren-Trainer för de ünnere Berieken“ tätig is. In de Jöögd speel he faken mit sien twee Johr ölleren Bröer Jonas tosommen.
He wurr denn bald Stammspeler vun de Regionalliga-Mannschap ünner Hermann Gerland. To de Saison 2006/07 keem he in de eerst Mannschap vun Bayern München un kreeg af dem 1.1.2007 en Profiverdrag un in dat sülvig Johr hett he ok sien eerst Bundsligaspeel makt.
Denn gung dat aber nich so richtig vörwärts mit sien Karriere un so wurr in de Winterpaus vun de Saison 2007/08 eerst an Borussia Duörpm utlehnt un nahderhenn endgüldig verköfft. Mit sien Mannschap wurr he denn 2011 un 2012 Düütsch Meester un wunn 2012 ok noch dat Pokalendspeel. To de Saison 2016/17 hett he denn bi Bayern München anhüert.
Nationalmannschap
[ännern | Bornkood ännern]An‘ 27. März 2007 geev Hummels ünner Trainer Dieter Eilts sien Debüt in de Düütsch U-21-Natschonalmannschap un an‘ 13. Mai 2010 hett he sien eerst A-Lännerspeel makt. Intüschen (Stand: 16. Mai 2016) is he up 46 Lännerspelen kommen, in de he veer Doren schaaten hett. Mit de Düütsch Natschonalmannschap wurr he 2014 denn ok Football-Weltmeester.
Weblenken
[ännern | Bornkood ännern]- Websteed vun Mats Hummels
- [tp://www.fussballdaten.de/spieler/hummelsmats/2011/ Mats Hummels bi Fußballdaten.de]
- Mats Hummels up transfermarkt.de
Enkeld Nahwiesen
[ännern | Bornkood ännern]- ↑ vgl. Hummels: Von dem Fluch halte ich nichts! bi merkur-online.de, 13. Februar 2010 (uproopen an‘ 20. Februar 2010)