Warnen

De Warnen (of Varni) waren nen Germaansen stam, verwant an de Saksen, dee eursprönkelek op et Oostzee-eilaand Öland leafden. Tiedens de Grote Volksverhuzing trok et grootsten deel vri-j rap zuudweerts noar de gebeden rundumme de benedenlöppe van den Oder en doarnoa heaneg an wieter noar et latere Neder-Silezi'je. Ok vestigden ze zich in et Mecklenburg van vandage.

Der bunt ok bewieze dat een deel van de Warnen nog wieter noar et westen trokken. In nen breef van Theodorik de Grote uut 507 kü'j leazen dat de Warnen umstreeks dizze tied an de Rienmunding wont. Rundumme 540 skref den Byzantiensen skriever Procopius dat Angelen uut Groot-Brittannië en Warnen stried leaverden in de delta van den Rien. Andere bronnen hebt et oaver n Warnies Riek op den noordover van den Rien an et ende van de viefde eeuwe. Dit riek wodden deur de Franken ten groande ericht.

In de 9de eeuwe wödden ok Warnen an den Oder underworpen deur de Franken en goat ze veur altied vort uut den geskiedenisbeuke. Meugelek bunt delen op-enommen deur oprukkende Sloaviese volken, woarna ze zich de Varnabi neumen.

bronvermelding

• M. Schönfeld Historische grammatica van het Nederlands, pagina XXXI
• Kroniek van Nederland, ISBN 90-10-05932-4