Fudge

Fudge is een typisch Westers snoepgoed, 't wönnen meestentieds emaak mit cacao en is zach en romig van smaak. Fudge wönnen emaak deur suker, botter, melk en/of slagroom te reuren en te verwarmen tot een graod of 112 ºC of 115 ºC (of 't mengsel op temperetuur is ku-j tessen deur een druppel van 't mengsel in een laagjen ieskoud waoter laoten vallen, a-j der een balletjen van kunnen maken dan is 't goed op temperetuur), daornao wönnen 't mengsel of-ekoeld en op-eklop. Der kan oek sukelao bie 't mengsel edaon wönnen um sukelaofudge te maken; je kunnen der oek nog aandere ingrediënten en smaken bie in doon.

Ontstaon van fudge

Zo'n honderd jaor eleen is 't recep veur fudge deur-egeven deur Emelyn Battersby Hartridge, een student an 't Vassar College in Poughkeepsie, Niej-York. Ze schreef in 1886 dat een nich of neve van een schoelkammeraod fudge maken in Baltimore, Maryland in de Verenigen Staoten en dat e 't verkoch veur veertig cent per pond. Hartridge kreeg 't recep van de fudge in hanen, en in 1888 maken ze veertien kilo fudge veur de Vassar Senior Auction. Al gauw wönnen 't deurverteld an aandere vrouwenkleezjes en 't wönnen een bekend en geliefd snoepgoed.

Commons: Fudge - plaatjes, filmkes en/of gelüüdsbestanden.