Biebelgordel
n Biebelgordel is n naamn vuur gebeedn in Neerlaand woer at, duur de boot enömn, völle grifformeerdn wont dee at op kleaine kristelike politieke partiejn stemt. De leu in disse gebeedn prebeert slim noar de wetn va n Biebel te leawn, goat völle met mekoar umme en treft mekoar vake in de koarke, op skoole of op t woark.
n Biebelgordel löp vanof de Zeewse eilaandn via Zuud-Hollaand, Noord-Broabaant, Utrecht, oawer de Veluwe in Gelderlaand noar n kop van Oaweriessel.
Plaatsn as Staphorst, Gellemuudn, Niej-Lekkerlaand, Elspeet, Opheusdn, Kestern, Barneveeld, Ederveen, Olddoarp, Tholen, Arnemuudn, Meliskoarke, Aagtekoarke, Yerseke en Krabbndieke lignt dr midln in. Plaatsn as Urk en Riesn vaalt r n luk boetn, mear beent doarumme neet meender konservatief kristelik en politiek betrökn.
n Naamn is wellich letterlik oawer ezat van t Engelse Bible belt, want dèt is n naamn vuur n groot gebeed in t zuudn van de Vereenigde Stoatn, woer at ze ook n Bible belt van slim orthodokse steans hebt loopn.
|
Disse bladziede is eskreewn in t Riesns |