Aristófanes
Aristófanes (an griego antigo: Ἀριστοφάνης, ca. 447 a.C. — ca. 385 a.C.) fui un dramaturgo griego. Ye cunsidrado l maior repersentante de la comédia antiga. 447 a.C.Modelo:Morte
Naciu an Atenas i, ambora sue bida seia pouco coincida, sue obra permite deduzir que tubo ua formaçon requintada. Aristófanes bibeu to la sue mocidade sob l splendor de l Seclo de Péricles. Aristófanes fui testemunha tamien de l'ampeço de l fin de Atenas. El biu l'ampeço de la Guerra de l Peloponeso, qu'arruinou l'hélade. El, de la mesma forma, biu d'acerca l papel nocibo de ls demagogos na çtruiçon eiquenómica, melitar i cultural de sue cidade-stado. A la sue buolta, al redror de l'acrópole de Atenas, florescia la sofística – l'arte de la persuason –, que subbertie ls cunceitos relegiosos, políticos, sociales i culturales de la sue ceblizaçon. Cunta-se que tubo dous filhos, que tamien seguiran la carreira de l pai.
Obras
[eiditar | eiditar código-fuonte]Screbiu mais de quarenta peças, de las quales solo onze son coincidas. Cunserbador, rebela hostelidade a las inobaçones sociales i políticas i als diuses i homes respunsables por eilhas. Sous heiroles defenden l passado de Atenas, ls balores democráticos tradecionales, las birtudes cíbicas i la solidariadade social. Biolentamente satírico, critica la pomposidade, l'ampostura, ls çmandos i la corrupçon na sociadade an que bibeu.
Sou albo son las personalidades anfluentes: políticos, poetas, filósofos i cientistas, bielhos ó moços, ricos ó pobres.
Comenta an diálogos mordazes i anteligentes todos ls temas amportantes de la época – la Guerra de l Peloponeso antre Atenas i Sparta, ls métodos d'eiducaçon, las çcussones filosóficas, l papel de a mulhier na sociadade, l surgimiento de la classe média.
An "Lisístrata" ó "La Grebe de l Sexo" (411 a.C.), las mulhieres fázen grebe de sexo para forçar atenienses i spartanos la stablecíren la paç.
An "Las Bespas" (422 a.C.), çcute l'amportança de la berdade i sous benefícios, rebelando sue preocupaçon cula ética.
Na peça "Las Nubres" (423 a.C.), cumpara Sócrates als sofistas, mestres de la retórica, i acusa l filósofo griego d'eisercer ua anfluéncia nefasta subre la sociadade.
Na comédia "Ls Acarnianos" ó "Acarnenses", repersentada ne l'anho 425 a.C., el ridiculariza ls partidairos de la guerra cun Sparta.
Sues outras obras son Ls Cabalheiros (424 a.C.), La Paç (421 a.C.), Las abes (414 a.C.), Las Tesmoforiantes ó Las Mulhieres que Celebran las Tesmofórias (411 a.C.), Las Ranas (405 a.C.), Las Mulhieres na Assembleia ó Assembleia de Mulhieres (392 a.C.) i Pluto ó "Un Dius Chamado Denheiro" (388 a.C.).
Ligaçones sternas
[eiditar | eiditar código-fuonte]
Modelo:PG-US-autorProject GutenbergModelo:PG-US-autor- Dramaturgia Cômica: razões platônicas para apreciar Aristófanes Arquibado an 2014-06-24 ne l Wayback Machine., por Luísa Severo Buarque de Holanda. Anais de Filosofia Clássica, vol. V nº 10, 2011. ISSN 1982-5323
