Tetiana Ostashchenko

Tetiana Ostashchenko
Ħajja
Twelid	Lviv, 4 Awwissu 1974 (50 sena)
Nazzjonalità	Ukrajna Unjoni Sovjetika
Edukazzjoni
Alma mater	Università Medika Nazzjonali ta' Danylo Halytsky ta' Lviv 1996) Ukrainian Military Medical Academy (en) 1998)
Lingwi	Ukren Russu Ingliż
Okkupazzjoni
Okkupazzjoni	uffiċjal militari spiżjar military physician (en) tabib
Servizz militari
Fergħa militari	korp mediku
Grad	Ġeneral Maġġur kurunell brigadier ġeneral
Iġġieldu	gwerra f'Donbas invażjoni Russa tal-Ukrajna tal-2022

Tetiana Mykolaivna Ostashchenko (bl-Ukren: Тетяна Миколаївна Остащенко; twieldet f'Awwissu 1974) hija tabib militari, brigadier ġeneral u Kmandant Ukrena tal-Forzi Mediċi tal-Forzi Armati Ukreni (mill-2021). Hija l-ewwel mara fl-istorja tal-Ukrajna li tikkmanda fergħa militari, kif ukoll l-ewwel mara li għandha l-grad ta' brigadier ġeneral fil-pajjiż.

Bijografija

Tetiana Ostashchenko twieldet f'Lviv fil-Punent tal-Ukrajna f'Awwissu 1974. Missierha kien fil-militar ukoll.

Fl-1996 Ostashchenko ggradwar bl-unuri mill-Università Medika Nazzjonali ta' Danylo Halytsky ta' Lviv (il-Fakultà tal-Farmaċija). Fl-1998 hija ggradwar mill-Akkademja Medika Militari Ukrena.

Fl-2020 temmet il-korsijiet fis-settur tar-riformi tad-difiża u tas-sigurtà, kif ukoll tat-tmexxija strateġika għall-immaniġġjar fl-Università ta' Cranfield fir-Renju Unit.

Tetiana Ostashchenko, flimkien mal-President tal-Ukrajna Volodymyr Zelenskyy u uffiċjali u kmandanti militari oħra, waqt żjara fi sptar militari biex jiltaqgħu mad-difensuri midruba tal-Ukrajna matul l-invażjoni Russa tal-2022

Mill-1998 qdiet ir-rwol tagħha fil-militar fil-karigi li ġejjin:

• Kap ta' spiżerija ta' unità militari;
• Uffiċjal tad-Dipartiment Mediku Militari tal-Kmand Operazzjonali tal-Punent;
• Kap tad-Dipartiment tal-Akkwist Mediku tal-Kmand Mediku Militari Ċentrali tal-Forzi Armati Ukreni;
• Kap tal-Unità tad-Dipartiment Mediku Militari tal-Ministeru għad-Difiża tal-Ukrajna u tad-Direttorat Ġenerali għall-Kooperazzjoni Militari u għall-Operazzjonijiet ta' Żamma tal-Paċi tal-Persunal Ġenerali tal-Forzi Armati Ukreni;
• Kap tad-Dipartiment tal-Akkwist Mediku tad-Dipartiment Mediku Militari Prinċipali;
• Kap Spettur tal-Ispettorat Prinċipali tal-Ministeru għad-Difiża tal-Ukrajna.

F'Lulju 2021 inħatret Kmandant tal-Forzi Mediċi tal-Forzi Armati Ukreni. Tetiana Ostashchenko b'hekk saret l-ewwel mara fl-istorja tal-Ukrajna fil-kmand ta' fergħa militari, kif ukoll l-ewwel mara bi grad ta' brigadier ġeneral.