Gran Mastri tal-Ordni ta' San Ġwann

L-Arma ta' l-Ordni ta' San Ġwann . L-arma personali tal-Gran Mastru kienet tintwera flimkien mal-arma tal-ordni fis-sekli 14 sal-15. Minn nofs is-seklu 15, il-Gran Mastru kien jikkwartja l-arma ta' l-ordni ma' tiegħu.

Lista tal-Gran Mastri tal-Ordni ta' San Ġwann, tiġbor fiha l-kontinwazzjoni tagħha bħala l-Ordni Militari Sovrana ta' Malta wara l-1798. Din tinkudi koll "anti-Gran mastri" u logutenenti jew stewards mhux rikonoxxuti waqt karigi battala.

Fil-listi tal-kapijiet tal-Ordni, it-titlu "Gran Mastru" spiss jiġi applikat retrospettivament għall-kapijiet tal-bidu tal-Ordni. Il-kapijiet Medjevali tal-Ordni użaw it-titlu ta' custos (Gwardjan) tal-isptar. It-titolu magister jintuża fuq muniti maħduma f'Rodi, minn Foulques de Villaret 'il quddiem. L-ewwel li uża t-titlu Grandis Magister (Gran Mastru) kien Jean de Lastic li saltan fl-1437–1454).^[1] Aktar tard il-Gran Mastri f'Rodi użaw it-titlu Magnus Magister (Gran Mastru).

Fl-1607 l-Imperatur Ruman Imqaddes Rudolf II ħoloq lill-Gran Mastru Prinċep tal-Imperu Ruman Qaddis (bil-Ġermaniż: Reichsfürst ).^[2] Din l-għotja ġiet imġedda mill-Imperatur Ruman Imqaddes Ferdinandu II fis-16 ta' Lulju 1620.^[2]^[3] Fl-20 ta' Marzu 1607, il-Papa Pawlu V ta lill-Gran Mastru t-titlu "l-Eminenza Tiegħu" u preċedenza fil-Qorti ta' Ruma immedjatament wara dik tal-kardinali.^[2]

Fl-1880, it-titlu ta' Fürst (Prinċep) ġie rikonoxxut fl-Awstrija mill-Imperatur Franz Joseph I.^[4]

Fit-2 ta' Frar 1929, it-titlu ta' Prinċep u ta' Altezza Eminentissima (Altezza l-aktar Eminenti) ġew rikonoxxuti fl-Italja mir-Re Victor Emmanuel III.^[5]

Bħalissa l-Gran Mastru jiġi indirizzat b'dan il-mod bil-lingwi li ġejjin:

bl-Ingliż: Most Eminent Highness,^[6]

bit-Taljan: Altezza Eminentissima;^[7]

bil-Franċiż: Altesse Eminentissime,^[8]

bil-Ġermaniż: Hoheit und Eminenz,^[9]

bl-Ispanjol: Alteza Eminentísima.^[10]

Lista tal-Gran Mastri tal-Ordni ta' San Ġwann

Listi numerati tal-kapijiet tal-Ordni ġew ippubblikati fil-bidu tas-seklu 17, u edizzjonijiet aġġornati dehru matul is-seklu 18. In-numerazzjoni tal-Mastri u l-Gran Mastri ppubblikati fl-Istatuti tal-Ordni tal-1719 telenka lill-Beatu Gerard bħala fundatur mingħajr numru, lil Raymond du Puy bħala l-ewwel Mastru, u lil Ramón Perellós (inkarigat mill-1719) bħala t-63 Gran Mastru.^[11] In-numerazzjoni użata bħalissa mill-Ordni Militari Sovran ta' Malta telenka lill-Beatu Gerard bħala l-ewwel Mastru, Raymond du Puy bħala t-tieni Mastru, Ramón Perellós y Rocafull bħala l-64 Gran Mastru, u lil Giacomo Dalla Torre del Tempio di Sanguinetto bħala t-80 Gran Mastru.^[12]

Kavallieri Ospitaljieri (Renju ta' Ġerusalemm)

Nru.	Titlu	Isem	Snin fil-kariga	Noti
—/1	Fundatur u Rettur tal-Isptar	Il-Beatu Gerard	1099/1113–1118/20	L-Ordni stabbilita fl-1099 u ngħatat rikonoxximent Papali fl-1113 minn Paschal II
1/2	Gwardjan	Raymond du Puy	1118/21/23–1160	Laħaq flok Gerard wara li Pierre de Barcelona u Boyant Roger servew ad interim qablu. Daħħal lill-Ospitaljieri bħala forza militari fl-Art Imqaddsa u introduċa regoli għall-imġiba tal-ordni. Introduċa ukoll il-Gran Siġill tal-Ordni.^[13]
2/3	Gwardjan	Auger de Balben	1160–1162/3
3/4	Gwardjan	Arnaud de Comps	c. 1162–1163	L-istoriċità ta' dan il-gwardjan hija dubjuża u mhux ċara, iżda xorta jidher fil-listi uffiċjali tal-Gran Mastri.
4/5	Gwardjan	Gilbert of Assailly	1163–1169	Appoġġa lil Amalric ta' Ġerusalemm fl-invażjoni mill-Eġittu waqt il-Kruċjati.
5/6	Gwardjan	Gastone de Murols	c. 1170–1172
6/7	Gwardjan	Jobert of Syria	c. 1169/72–1177	Issostitwixxa lir-Re Amalric ta' Ġerusalemm fl-1172. Fl-1174, oppona lil Miles ta' Plancy favur Raymond III ta' Tripoli.
7/8	Gwardjan	Roger de Moulins	1177–1187	Inqatel fil-Battalja ta' Cresson. Il-Kmandant William Borrel laħaq Gran Mastru ad interim, sa ma nqatel fil-Battalja ta' Hattin, 3 xhur wara.
8/9	Provisor	Armengol de Aspa	1187–1190	Gran Mastru ad interim waqt it-telfa ta' Ġerusalemm fl-1187, meta l-kwartieri mexew għal Acre. Inkluż bħala Gran Mastru fil-listi fiż-żmien modern bikri. Wara l-ħtif ta' Acre u l-konsolidazzjoni tal-Ordni, Armengol abdika, u nħatar Gran Mastu Garnier de Nablus.
9/10	Gwardjan	Garnier de Nablus	1190–1192	Appoġġa lil Richard I tal-Ingilterra fit-Tielet Kruċjata.
10/11	Gwardjan	Geoffroy de Donjon	1193–1202	Wara mewtu, Pierre de Mirmande nħatar Gran Mastru ad interim.
11/12	Gwardjan	Afonso de Portugal	1202–1206	Irreżenja fl-1206
12/13	Gwardjan	Geoffroy le Rat	1206–1207	L-ewwel li struttura l-Ordni skont in-nazzjonalità jew Langues.
13/14	Gwardjan	Guérin de Montaigu	1207–1228	Il-Ħames Kruċjata.
14/15	Gwardjan	Bertrand de Thessy	1228–1231	Is-Sitt Kruċjata.
15/16	Gwardjan	Guérin Lebrun	1231–1236	Kunflitt ma' Bohemond IV ta' Antiokja.
16/17	Gwardjan	Bertrand de Comps	1236–1240	Kruċjata tal-Barunijiet. Il-kwartieri marru Ġerusalemm.
17/18	Gwardjan	Pierre de Vieille-Brioude	1240–1242	Il-Battalja ta' Gaża, kunflitt mat-Templari.
18/19	Gwardjan	Guillaume de Chateauneuf	1242–1258	Il-waqgħa ta' Ġerusalemm fl-1244, kwartieri stabbiliti f'Acre, Krak des Chevaliers u Margat. Maqbud f'La Forbie fl-1244. Jean de Ronay serva bħala Gran Mastru ad interim, sa ma miet fl-1250 f'Mansurah. De Chateauneuf inħeles fis-17 ta' Ottubru 1250.
19/20	Gwardjan	Hugues de Revel	1258–1277	It-telfa ta' Krak des Chevaliers fl-1271
20/21	Gwardjan	Nicolas Lorgne	1277–1285	It-telfa ta' Margat fl-1285. Wara mewtu, il-Gran Kmandant Jacques de Taxi serva bħala Gran Mastru ad interim sa ma s-suċċessur tiegħu proprja, Jean de Villiers, wasal fl-Art Imqaddsa.
21/22	Gwardjan	Jean de Villiers	1285–1294	L-Assedju ta' Acre.
22/23	Gwardjan	Odon de Pins	1294–1296	Il-kwartieri mexew għal Limassol, Ċipru.
23/24	Gwardjan	Guillaume de Villaret	1296–1305

Kavallieri ta' Rodi

Nru.	Titlu	Isem	Snin fil-kariga	Noti
24/25	Mastru	Foulques de Villaret	1305–1319	Neputi ta' Guillaume de Villaret. Irreżenja fuq talba tal-Papa Ġwanni XXII fl-1319. Miet fl-1327.
	Anti-Mastru	Maurice de Pagnac (mhux rikonoxxut)	1317–1319
25/26	Mastru	Hélion de Villeneuve	1319–1346
26/27	Mastru	Dieudonné de Gozon	1346–1353
27/28	Mastru	Pierre de Corneillan	1353–1355
28/29	Mastru	Roger de Pins	1355–1365
29/30	Mastru	Raimundo Berenguer	1365–1374
30/31	Mastru	Robert de Juilly (de Juliac)	1374–1376
31/32	Mastru	Juan Fernández de Heredia	1376–1396	Maħtur mill-Papa Girgor XI. Aktar tard, appoġġa lill-Anti-Papa Clement VII. Imneħħi mill-Papa Urbanu VI fl-1382. Kompla bħala Anti-Mastru f'Rodi sa mewtu.
32/33	Mastru	Riccardo Caracciolo	1383–1395	Maħtur mill-Papa Urbanu VI fl-1382.
33/34	Mastru	Philibert de Naillac	1396–1421
34/35	Mastru	Anton Flavian de Ripa	1421–1437
35/36	Gran Mastru	Jean de Lastic	1437–1454	L-Assedju ta' Rodi (1444). Kien l-ewwel li uża t-titlu "Gran Mastru" (Grandis Magister).
36/37	Gran Mastru	Jacques de Milly	1454–1461
37/38	Gran Mastru	Piero Raimondo Zacosta	1461–1467
38/39	Gran Mastru	Giovanni Battista Orsini	1467–1476
39/40	Gran Mastru	Pierre d'Aubusson	1476–1503	L-Assedju ta' Rodi (1480).
40/41	Gran Mastru	Emery d'Amboise	1503–1512
41/42	Gran Mastru	Guy de Blanchefort	1512–1513
42/43	Gran Mastru	Fabrizio del Carretto	1513–1521

Kavallieri ta' Malta

Nru.	Titlu	Isem	Snin fil-kariga	Noti
43/44	Gran Mastru	Philippe Villiers de L'Isle-Adam	1521–1534	L-Assedju ta' Rodi (1522), il-kwartieri tmexxew għal Malta fl-1530.
44/45	Gran Mastru	Piero de Ponte	1534–1535
45/46	Gran Mastru	Didier de Saint-Jaille	1535–1536
46/47	Gran Mastru	Juan de Homedes	1536–1553	Malta kienet attakkata mill-flotta Ottomana fl-1551. L-attakk inżamm lura minn Malta imma l-Ottomani xorta invadew Għawdex, u ftit wara l-ħakma tal-Ordni f'Tripli. De Homedes beda programm ta' titjib tal-fortifikazzjonijiet f'Malta.
47/48	Gran Mastru	Claude de la Sengle	1553–1557	Kompla t-titjib tal-fortifikazzjonijiet, kabbar il-Forti ta' San Mikiel bi swar kbar u lesta l-bini tal-Forti Sant'Iermu.
48/49	Gran Mastru	Jean Parisot de Valette	1557–1568	Valette kien l-aktar mexxej illustri tal-Ordni, bil-kmand tiegħu fuq ir-reżistenza kontra l-Ottomani fl-Assedju l-Kbir tal-1565.
49/50	Gran Mastru	Pierre de Monte	1568–1572	Kompla l-bini tal-belt kapitali ġdida Valletta. Saħħaħ il-flotta tal-ordni, u pparteċipa fil-Battalja ta' Lepanto fis-7 ta' Ottubru 1571.
50/51	Gran Mastru	Jean de la Cassière	1572–1581	Kriżi minħabba r-Riforma Protestanta.
	Logutenent	Mathurin Romegas	1577–1581
	Anti-Gran Mastru	Mathurin Romegas	1581
51/52	Gran Mastru	Hugues Loubenx de Verdalle	1581–1595
52/53	Gran Mastru	Martín Garzés	1595–1601
53/54	Prinċep u Gran Mastru	Alof de Wignacourt	1601–1622	Bena t-Torrijiet ta' Wignacourt u l-Akkwedott ta' Wignacourt. Żamm l-aħħar tentattiv tal-Ottomani li jaħkmu lil Malta fl-1614.
54/55	Prinċep u Gran Mastru	Luís Mendes de Vasconcellos	1622–1623
55/56	Prinċep u Gran Mastru	Antoine de Paule	1623–1636
56/57	Prinċep u Gran Mastru	Giovanni Paolo Lascaris	1636–1657	Pussessi fil-Karibew
57/58	Prinċep u Gran Mastru	Martin de Redin	1657–1660
58/59	Prinċep u Gran Mastru	Annet de Clermont-Gessant	1660	Miet anqas minn 4 xhur wara li nħatar, fit-2 ta' Ġunju 1660.
59/60	Prinċep u Gran Mastru	Rafael Cotoner	1660–1663	Ikkummissjona lill-artist Taljan Mattia Preti biex ipinġi s-saqaf tal-Kon-Katidral ta' San Ġwann fil-Belt Valletta.
60/61	Prinċep u Gran Mastru	Nicolás Cotoner	1663–1680	L-Assedju ta' Kandja. Tlestew ix-xogħlijiet ta' Mattia Preti fil-Kon-Katidral ta' San Ġwann.
61/62	Prinċep u Gran Mastru	Gregorio Carafa	1680–1690	Rinnovazzjoni tal-Auberge d'Italie fl-istil Barokk. Titjib fil-Forti Sant'Anglu u l-Forti Sant'Iermu.
62/63	Prinċep u Gran Mastru	Adrien de Wignacourt	1690–1697	Daħħal pensjoni għar-romol ta' dawk li mietu fil-ġlied kontra l-Ottomani.
63/64	Prinċep u Gran Mastru	Ramón Perellós	1697–1720	Organizza l-Consulato del Mare (Konsulat tal-Baħar). Stabbilixxa relazzjonijiet diplomatiċi mar-Russja Imperjali. Iġġieled kontra l-korruzzjoni fl-Ordni. Ikkumbatta l-pirati Ottomani.
64/65	Prinċep u Gran Mastru	Marc'Antonio Zondadari	1720–1722
65/66	Prinċep u Gran Mastru	António Manoel de Vilhena	1722–1736	Irrestawra l-belt tal-Imdina, bena l-Forti Manoel u tejjeb sostanzjalment il-fortifikazzjonijiet ta' Malta b'mod generali. Bena Casa Leoni u Palazzo Parisio, u rrinnova l-Palazz ta' Verdala. Fl-1731 bena t-Teatru Manoel. Iddikjara stat ta' newtralità fil-Gwerra tas-Suċċessjoni Pollakka.
66/67	Prinċep u Gran Mastru	Ramón Despuig	1736–1741	Tejjeb il-fortifikazzjoni tal-Imdina, immodernizza l-liġijiet, irrinnova l-Kon-Katidral ta' Ġwann. Ħbit navali kontra l-Ottomani fl-Alġerija.
67/68	Prinċep u Gran Mastru	Manuel Pinto da Fonseca	1741–1773	Keċċa lill-Ġiżwiti minn Malta. Fl-1753 ipproklama s-sovranità tal-Ordni fuq Malta u fetaħ diżgwid mar-Renju ta' Sqallija mmexxi mir-Re Karlu V. Sas-sena ta' wara kien innormalizza kollox u l-Ordni ħadet kontroll de facto fuq Malta bħala stat sovran.^[14]
68/69	Prinċep u Gran Mastru	Francisco Ximénez de Tejada	1773–1775	Ir-Rewwixta tal-Qassisin (1775). Falliment finanzjarju tal-Ordni.
69/70	Prinċep u Gran Mastru	Emmanuel de Rohan-Polduc	1775–1797	Daħħal il-langue tal-Anglo-Bavarja u l-Gran Pirjolat Russu.
70/71	Prinċep u Gran Mastru	Ferdinand von Hompesch	1797–1799	L-ewwel Ġermaniż li mexxa l-Ordni. Abdika fis-6 ta' Lulju 1799 wara l-Invażjoni Franċiża ta' Malta.

Ordni Militari Sovrana ta' Malta

Nru.	Titlu	Isem	Snin fil-kariga	Noti
72^[15]	Gran Mastru de facto	Pawlu I tar-Russja	1798–1801	Elett mill-Pirjolat ta' San Pietruburgu f'Settembru 1798 (qabel l-abdikazzjoni ta' von Hompesch). L-elezzjoni ma kinitx ikkonfermata mill-Papa Piju VII.
		Nikolai Saltykov	1801–1803	De facto Logutenent f'San Pietruburgu.
73^[15]	Prinċep u Gran Mastru	Giovanni Battista Tommasi	1803–1805	Appuntat mill-Papa Piju VII. Residenti f'Messina u Catania
	Logutenent	Innico Maria Guevara-Suardo	1805–1814	Kwartieri f'Catania.
	Logutenent	Andrea Di Giovanni y Centellés	1814–1821
	Logutenent	Antoine Busca	1821–1834	Kwartieri f'Ferrara.
	Logutenent	Carlo Candida	1834–1845	Kwartieri jitmexxew għal Palazzo Malta f'Ruma.
	Logutenent	Filippo di Colloredo-Mels	1845–1864
	Logutenent	Alessandro Borgia	1865–1871
	Logutenent	Giovanni Battista Ceschi	1871–1879
74^[15]	Prinċep u Gran Mastru	Giovanni Battista Ceschi	1879–1905	Il-kariga ta' Gran Mastru ġiet restitwita wara perjodu interregnum ta' 75 sena, ikkonfermat mill-Papa Ljun XIII.
75^[15]	Prinċep u Gran Mastru	Galeas von Thun und Hohenstein	1905–1931
76^[15]	Prinċep u Gran Mastru	Ludovico Chigi Albani della Rovere	1931–1951
	Logutenent	Antonio Hercolani Fava	1951–1955
	Logutenent	Ernesto Paternò Castello di Carcaci	1955–1962	Dikjarazzjoni Kostituzzjonali approvata permezz ta' Ittra Appostolika mill-Papa Ġwanni XXIII, fl-24 ta' Ġunju 1961.
77^[15]	Prinċep u Gran Mastru	Angelo de Mojana di Cologna	1962–1988
	Logutenent ad interim	Jean Charles Pallavicini	1988
78^[15]	Prinċep u Gran Mastru	Andrew Bertie	1988–2008	Kodiċi u Dikjarazzjoni Kostituzzjonali reveduti mill-Kapitlu Ġenerali Straordinarju tat-28-30 ta' April 1997.^[16]
	Lieutenant ad interim	Giacomo dalla Torre del Tempio di Sanguinetto	2008
79^[15]	Prinċep u Gran Mastru	Matthew Festing	2008–2017	L-ewwel Gran Mastru elett skont il-kostituzzjoni l-ġdida tal-1997. Irreżenja fl-2017 wara diżgwid mal-Vatikan.^[17]
	Logutenent ad interim	Ludwig Hoffmann-Rumerstein	2017
	Logutenent tal- Gran Mastru	Giacomo dalla Torre del Tempio di Sanguinetto	2017–2018
80^[15]	Prinċep u Gran Mastru	Giacomo dalla Torre del Tempio di Sanguinetto	2018–2020
	Logutenent ad interim	Ruy Gonçalo do Valle Peixoto de Villas Boas	2020
	Logutenent tal- Gran Mastru	Marco Luzzago	2020–2022
	Logutenent ad interim	Ruy Gonçalo do Valle Peixoto de Villas Boas	2022
	Logutenent tal- Gran Mastru	John T. Dunlap	2022–2023	Maħtur mill-Papa Franġisku.
81	Prinċep u Gran Mastru	John T. Dunlap	2023–

Referenzi

^ Morris (1884), 17–19.
^ ^a ^b ^ċ Gothaisches Genealogisches Handbuch des Fürstlichen Häuser, Fürstliche Häuser Band 2 (Marburg: Verlag des Deutschen Adelsarchivs, 2018), 175.
^ "Del titolo di 'Altezza' del Gran Maestro dell'Ordine Gerosolimitano", Rivista del Collegio araldico anno I (1903): 271.
^ Genealogisches Handbuch des Adels, Fürstlicher Häuser Band I (Glücksburg: C. A. Starke, 1951), 178.
^ "Regio Decreto 21 gennaio 1929, n. 61", articolo 51 Gazzetta Ufficiale del Regno d'Italia, Anno 70, Numero 28 (2 febbraio 1929), 526.
^ Constitutional Charter and Code, Title III, Article 12, Sovereign Order of Malta.
^ Carta Costituzionale e Codice, Titolo III, Articolo 12, Sovrano Ordine di Malta.
^ Charte constitutionelle et Code, Titre III, Art. 12, Ordre Souverain de Malte.
^ Verfassung und Codex, Kapitel III, Artikel 12, Souveräner Malteserorden.
^ Carta Constitucional y Código, Títolo III, Art. 12, Soberano Orden de Malta.
^ Malta, Orden de (1719). Volume che contiene gli statuti della Sacra Religione Gerosolimitana: le ordinazioni dell'ultimo capitolo Generale, che sono le sole, che sussistono ; il nuovo cerimoniale prescritto dalla Santita di N. Sig. Papa Vrbano VIII. sopra l'elezione de'Gran Maestri ; il modo, o sia instruzione di far i processi de'Miglioramenti delle Commende, che serue ancora per i priorati, e Baliaggi, e come deuono farsene li Cabreri ; l'Ordine, che si tiene nel dar l'Abito, a chi professanella religione ; e per vltimo i Privilegi concessi da'sommi pontefici alla religione, e suoi dependenti (bit-Taljan). per Antonio Scionico. Ċitazzjoni għandu parametr mhux magħruf u vojt: |iktar= (għajnuna)
^ "The Grand Masters". orderofmalta.int. Sovereign Military Order of Malta. Miġbur 14 June 2022.
^ The Order's Great Seal, or leaden bulla, remained in use, with some modifications, from the 12th century until 1798. Until 1278, when Nicholas de Lorgne introduced a separate conventual bulla, there was no distinction between the seal of the Grand Master and that of the order. The general design of the seal featured, on the obverse, the Grand Master kneeling in prayer before the patriarchal cross. This image was usually accompanied with the sacred letters alpha and omega, which referenced the Second Coming of Christ. The central image was surrounded by a legend with the Master's name followed by the official designation CVSTOS. Barbara Packard, Seals of the Grand Masters, Museum of the Order of St John, 14 October 2015.
^ Zammit, Vincent (1992). Il-Gran Mastri - Ġabra ta' Tagħrif dwar l-Istorja ta' Malta fi Żmienhom - It-Tieni Volum 1680-1798. Valletta, Malta: Valletta Publishing & Promotion Co. Ltd. pp. 405–406.
^ ^a ^b ^ċ ^d ^e ^f ^ġ ^g ^għ Innumerati skont kif jidhru fis-sit tas-SMOM (orderofmalta.int fl- 2017) li jimplika r-rikonoxximent ta' Riccardo Caracciolo bħala t-33 Gran Mastru, u lil Pawlu I tar-Russja bħala t-72 Gran Mastru (1798–1801).
^ Constitutional Charter and Code of the SMOM (1997).
^ Pullella, Philip (23 June 2016). "Knights of Malta head resigns after dispute with Vatican". Reuters. Miġbur 25 January 2017.

Ħoloq esterni

[1] Morris (1884), 17–19.

[GGH-2] ċ Gothaisches Genealogisches Handbuch des Fürstlichen Häuser, Fürstliche Häuser Band 2 (Marburg: Verlag des Deutschen Adelsarchivs, 2018), 175.

[3] "Del titolo di 'Altezza' del Gran Maestro dell'Ordine Gerosolimitano", Rivista del Collegio araldico anno I (1903): 271.

[4] Genealogisches Handbuch des Adels, Fürstlicher Häuser Band I (Glücksburg: C. A. Starke, 1951), 178.

[5] "Regio Decreto 21 gennaio 1929, n. 61", articolo 51 Gazzetta Ufficiale del Regno d'Italia, Anno 70, Numero 28 (2 febbraio 1929), 526.

[6] Constitutional Charter and Code, Title III, Article 12, Sovereign Order of Malta.

[7] Carta Costituzionale e Codice, Titolo III, Articolo 12, Sovrano Ordine di Malta.

[8] Charte constitutionelle et Code, Titre III, Art. 12, Ordre Souverain de Malte.

[9] Verfassung und Codex, Kapitel III, Artikel 12, Souveräner Malteserorden.

[10] Carta Constitucional y Código, Títolo III, Art. 12, Soberano Orden de Malta.

[11] Malta, Orden de (1719). Volume che contiene gli statuti della Sacra Religione Gerosolimitana: le ordinazioni dell'ultimo capitolo Generale, che sono le sole, che sussistono ; il nuovo cerimoniale prescritto dalla Santita di N. Sig. Papa Vrbano VIII. sopra l'elezione de'Gran Maestri ; il modo, o sia instruzione di far i processi de'Miglioramenti delle Commende, che serue ancora per i priorati, e Baliaggi, e come deuono farsene li Cabreri ; l'Ordine, che si tiene nel dar l'Abito, a chi professanella religione ; e per vltimo i Privilegi concessi da'sommi pontefici alla religione, e suoi dependenti (bit-Taljan). per Antonio Scionico. Ċitazzjoni għandu parametr mhux magħruf u vojt: |iktar= (għajnuna)

[12] "The Grand Masters". orderofmalta.int. Sovereign Military Order of Malta. Miġbur 14 June 2022.

[13] The Order's Great Seal, or leaden bulla, remained in use, with some modifications, from the 12th century until 1798. Until 1278, when Nicholas de Lorgne introduced a separate conventual bulla, there was no distinction between the seal of the Grand Master and that of the order. The general design of the seal featured, on the obverse, the Grand Master kneeling in prayer before the patriarchal cross. This image was usually accompanied with the sacred letters alpha and omega, which referenced the Second Coming of Christ. The central image was surrounded by a legend with the Master's name followed by the official designation CVSTOS. Barbara Packard, Seals of the Grand Masters, Museum of the Order of St John, 14 October 2015.

[14] Zammit, Vincent (1992). Il-Gran Mastri - Ġabra ta' Tagħrif dwar l-Istorja ta' Malta fi Żmienhom - It-Tieni Volum 1680-1798. Valletta, Malta: Valletta Publishing & Promotion Co. Ltd. pp. 405–406.

[SMOM_numbering-15] ċ ^d ^e ^f ^ġ ^g ^għ Innumerati skont kif jidhru fis-sit tas-SMOM (orderofmalta.int fl- 2017) li jimplika r-rikonoxximent ta' Riccardo Caracciolo bħala t-33 Gran Mastru, u lil Pawlu I tar-Russja bħala t-72 Gran Mastru (1798–1801).

[16] Constitutional Charter and Code of the SMOM (1997).

[17] Pullella, Philip (23 June 2016). "Knights of Malta head resigns after dispute with Vatican". Reuters. Miġbur 25 January 2017.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]