Цэнхэр жижир

Цэнхэр жижир
	; Male M. solitarius philippensis
Ховордолтын зэрэглэл
	; Ховордоогүй (IUCN3.1)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Боршувуутан;
Овог:	Намнаахайнхан;
Төрөл:	Monticola;
Зүйл:	M. solitarius;
Латин нэр
	Monticola solitarius; (Карл Линней, 1758, Oriente [ =Italy ])

Цэнхэр жижир (Monticola solitarius), урьд Цармын хөөндэй гэж байсан, нь Намнаахайнхан овгийн шувуу юм. Тэд Европын өмнөд хэсэг, төв Ази, Хятадын хойд хэсэг, Малайз болон Африкт амьдарна.

Европ, Африк, зүүн өмнөд Азийн шувууд нь суурин ба бусад Азийн хэсэг нь нүүдэллэн Африк, Энэтхэгт өвөлждөг. Ховор тохиолдолд баруун болон хойд Европт таарна.

Цэнхэр жижир уулархаг газар амьдарч, хадны завсар, хананд үүрээ засах ба голдуу 3-5 өндөг гаргадаг. Гол идэш тэжээл нь хорхой шавьж бөгөөд жимс, ургамлын үр, зарим жижиг хэвлээр явагч иддэг.

Гадаад төрх

Биеийн урт 21-23 см, урт нарийн хошуутай. Зуны улиралд эрэгчин жижир гоёмсог өд сөдтэй, харахад андашгүй. Бараандуу далавчнаас бусад биеийн бүх хэсэг нь цэнхэр сааралдуу өнгөтэй байна. Эмэгчин болон залуу шувууд нь бор нуруу, цайвар саарал гэдэстэй. M. s. philippensis дэд зүйлийн гэдэс нь улаан шар байна.