വട്ടിയൂർക്കാവ് നിയമസഭാമണ്ഡലം

133 വട്ടിയൂർക്കാവ്
കേരള നിയമസഭയിലെ നിയോജകമണ്ഡലം
നിലവിൽ വന്ന വർഷം	2011
വോട്ടർമാരുടെ എണ്ണം	197570 (2019)
നിലവിലെ അംഗം	വി.കെ. പ്രശാന്ത്
പാർട്ടി	സി.പി.എം.
മുന്നണി	എൽ.ഡി.എഫ്.
തിരഞ്ഞെടുക്കപ്പെട്ട വർഷം	2019
ജില്ല	തിരുവനന്തപുരം ജില്ല

കേരളത്തിലെ തലസ്ഥാന ജില്ലയായ തിരുവനന്തപുരം ജില്ലയിലെ ഒരു നിയമസഭാമണ്ഡലമാണ് വട്ടിയൂർക്കാവ് നിയമസഭാമണ്ഡലം. തിരുവനന്തപുരം നോർത്ത് നിയമസഭാമണ്ഡലം എന്നറിയപ്പെട്ടിരുന്ന ഈ മണ്ഡലം പുനഃസംഘടയോടെയാണ് വട്ടിയൂർക്കാവ് നിയമസഭാമണ്ഡലമായത്.

പ്രദേശങ്ങൾ

തിരുവനന്തപുരം താലൂക്കിൽ ഉൾപ്പെടുന്ന കുടപ്പനക്കുന്ന്, വട്ടിയൂർക്കാവ് എന്നീ ഗ്രാമപഞ്ചായത്തുകളും; തിരുവനന്തപുരം നഗരസഭയുടെ 13, 15 മുതൽ 25 വരെയും 31 മുതൽ 36 വരേയുമുള്ള വാർഡുകളും അടങ്ങിയതായിരുന്നു ഈ മണ്ഡലം. പിന്നീട് രണ്ട് പഞ്ചായത്തുകളും നഗരസഭയിൽ ലയിച്ചു. അതോടെ 22 വാർഡുകൾ മണ്ഡലത്തിന്റെ ഭാഗമായി. മണ്ഡല പുനഃസംഘടനയ്ക്ക് മുൻപ് ഉള്ളൂർ, കടകംപള്ളി എന്നീ പഞ്ചായത്തുകൾ മാറി; പകരം, തിരുവനന്തപുരം നഗരസഭയുടെ ഭാഗങ്ങളായിരുന്ന ശാസ്തമംഗലം, കുന്നുകുഴി, പാങ്ങോടിന്റെ ചില ഭാഗങ്ങൾ എന്നിവ പുതിയതായി ചേർന്നു. തിരുവനന്തപുരം ലോകസഭാ നിയോജക മണ്ഡലത്തിന്റെ ഭാഗമാണ്‌ വട്ടിയൂർക്കാവ് നിയമസഭാ നിയോജക മണ്ഡലം.

പ്രതിനിധികൾ

• 2019 - മുതൽ വി.കെ. പ്രശാന്ത്
• 2016 - 2019 കെ. മുരളീധരൻ
• 2011 - 2016 കെ. മുരളീധരൻ

സമ്മതിദാനം

ആകെ 140 പോളിങ് സ്റ്റേഷനുകളിലായി 171904 വോട്ടർമാരാണ് 2011 നിയമസഭാതിരഞ്ഞെടുപ്പിലെ വോട്ടർ പട്ടികയിലുള്ളത്. അതിൽ 89524 സ്ത്രീ വോട്ടർമാരും 82380 പുരുഷവോട്ടർമാരും ആണ് ഉള്ളത്. 2019 ഒക്ടോബർ നടന്ന തിരഞ്ഞെടുപ്പിൽ വി കെ പ്രശാന്ത് 14465 വോട്ടിനു ജയിച്ചു

തിരഞ്ഞെടുപ്പുകൾ

തിരഞ്ഞെടുപ്പുകൾ

വർഷം	വിജയിച്ച സ്ഥാനാർത്ഥി	പാർട്ടിയും മുന്നണിയും	മുഖ്യ എതിരാളി	പാർട്ടിയും മുന്നണിയും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും
2016	കെ. മുരളീധരൻ	കോൺഗ്രസ് (ഐ.), യു.ഡി.എഫ്.	കുമ്മനം രാജശേഖരൻ	ബി.ജെ.പി., എൻ.ഡി.എ.	ടി.എൻ. സീമ	സി.പി.എം., എൽ.ഡി.എഫ്.
2011	കെ. മുരളീധരൻ	കോൺഗ്രസ് (ഐ.), യു.ഡി.എഫ്.	ചെറിയാൻ ഫിലിപ്പ്	സ്വതന്ത്ര സ്ഥാനാർത്ഥി, എൽ.ഡി.എഫ്.	വി.വി. രാജേഷ്	ബി.ജെ.പി., എൻ.ഡി.എ.

തിരഞ്ഞെടുപ്പുഫലങ്ങൾ

തിരഞ്ഞെടുപ്പുഫലങ്ങൾ

വർഷം	വോട്ടർമാരുടെ എണ്ണം	പോളിംഗ്	വിജയി	ലഭിച്ച വോട്ടുകൾ	മുഖ്യ എതിരാളി	ലഭിച്ച വോട്ടുകൾ
2019	197570	123930	വി.കെ. പ്രശാന്ത്,സി.പി.എം.	54830	കെ. മോഹൻകുമാർ, ഇന്ത്യൻ നാഷണൽ കോൺഗ്രസ്	40365
2016	195239	137108	കെ. മുരളീധരൻ, ഇന്ത്യൻ നാഷണൽ കോൺഗ്രസ്	51322	കുമ്മനം രാജശേഖരൻ, ഭാരതീയ ജനതാ പാർട്ടി	43700
2011	175398	112675	കെ. മുരളീധരൻ, ഇന്ത്യൻ നാഷണൽ കോൺഗ്രസ്	73190	ചെറിയാൻ ഫിലിപ്പ്, സ്വതന്ത്ര സ്ഥാനാർത്ഥി	40364