Skin o' My Teeth

„Skin o' My Teeth“
Сингл од Мегадет
од албумот Countdown to Extinction
Издаден	јануари 1993 ;
Формат	ЦД сингл, дигитално спуштање
Снимен	6 јануари - 28 април 1992 г.
Жанр	Хеви метал
Должина	3:14
Издавачка куќа	Капитол
Композитор	Дејв Мастејн
Продуцент	Макс Норман и Дејв Мастејн
Хронологија на синглови на Мегадет

Skin o' My Teeth е последниот сингл на Мегадет од нивниот мулти-платинест албум Countdown to Extinction. Песната, напишана од Дејв Мастејн, говори за неуспешните обиди за самоубиство. Имено, и фразата skin of my teeth на англо-американски означува ситуација кога некој „за влакно“ ја избегнал смртта. Со темпо од 196 битови во минута, оваа песна е една од најбрзите на албумот. Во продолжение следи прилог за тоа како Мастејн ја толкува оваа песна:

Кога MTV (музичкиот канал) го прочитаа текстот, одбија да ја емитуваат песнава бидејќи помислија дека промовирам самоубиства. Ни требаше долго време за да ги испегламе разликите со телевизијата и да им ја објасниме суштината на песната. Не сакав да снимиме спот за песна која нема да ја прикажуваат. Тие ми рекоа дека ќе ја пуштат во етер, колку и да е радикална, само ако изјавам дека текстот не се однесува на самоубиство. Тоа впрочем и го изјавувам.
—Дејв Мастејн, 1992 г.^[1]

Оваа нумера е за тоа колку пати сум се обидел да се самоубијам, но не сум можел да ја завршам работата докрај. Следува „Skin o' My Teeth“.
—Дејв Мастејн, за време на концерт, 1992 г.^[1]

Ова е за луѓето кои го сакаат да завршат со животот, но немаат храброст да се соочат со смртта. Знаете, исто кога си сечат вени, но не доволно длабоко. Или кога сакаат да ги удри автомобил, ама на крај завршуваат само со скршена нога или нешто слично.
—Дејв Мастејн, за време на концерт, 1992 г.^[1]

Оваа песна во никој случај не поттикнува самоубиство. Животот е досаден и затоа луѓето стануваат дебели и мрзеливи. Ова е „Skin o' My Teeth“.
—Дејв Мастејн, за време на концерт, 1992 г.^[1]

Интересно ни беше додека го правевме видео записот. Свиревме во еден ноќен клуб во Чикаго кој се викаше Метро. Филмска публика беа група манијаци кои трчаа околу бината како бикови. Беше невозможно да не се смееме на момците кои се однесуваа како лудаци.
—Марти Фридман, 2002 г.^[1]

Застапеност во музичките изданија и преработки

Бината пред концертот на Мегадет и Слеер во Киев (март 2011)

Песната беше изведена во живо на концертот во Буенос Аирес, Аргентина, во 2005 г. Беше планирано тој концерт да биде издаден како видео албум насловен That One Night: Live in Buenos Aires. За жал, „Skin o' My Teeth“ не се нашла во конечниот избор на песни, но подоцна била додадена во дигиталната верзија на албумот од iTunes.
„Skin o' My Teeth“ беше отсвирена на концертот во Сан Диего, а исто така се најде и на подоцнежниот видео албум Blood in the Water: Live in San Diego.
Оваа нумера е една од омилените песни на обожавателите, па поради тоа е изведувана на речиси секој настап во живо на Мегадет. Се наоѓа и на ДВД изданието The Big 4 Live from Sofia, Bulgaria, на концертот одржан на 22 јуни 2010 г.
Насловот се однесува на популарната драма The Skin Of Our Teeth на добитникот на Пулицерова награда, драматургот Торнтон Вилдер.
„Skin o' My Teeth“ е составен дел на два компилациски албуми на Мегадет, и тоа Greatest Hits: Back to the Start (2005) и Anthology: Set the World Afire (2008).
Финскиот дет метал бенд Kalmah ја преработил песнава и ја поставил на нивниот втор студиски албум They Will Return.
Австралискиот бенд Pendulum ја употребил изведбата на тапани од „Skin o' My Teeth“ за нивната песна „Another Planet“ од деби албумот Hold Your Colour.

Песни на винил изданијата

7" Skin o' My Teeth (ВБ) (со Megadeth Game Board) :-

„Skin o' My Teeth“
„Holy Wars... The Punishment Due“ (микс на ДЏ Генерал Шварцкоф)

10" Skin o' My Teeth (ВБ) (со Megadeth Game Pieces) :-

„Skin o' My Teeth“
„Holy Wars... The Punishment Due“ (микс на ДЏ Генерал Шварцкоф)
„High Speed Dirt“ (во живо)
„Мастејн зборува за Megadeth Game“

ЦД Skin o' My Teeth (ВБ) (со Megadeth Game Spin Disc) :-

„Skin o' My Teeth“
„Lucretia“ (во живо)
„Skin o' My Teeth“ (во живо)

ЦД Skin o' My Teeth (ВБ) (со Megadeth Game Pass Disc) :-

„Skin o' My Teeth“
„Holy Wars... The Punishment Due“ (микс на ДЏ Генерал Шварцкоф)
„High Speed Dirt“ (во живо)

Песните во живо беа снимени во музичкиот театар Alpine Valley, Висконсин, на 23 мај 1992^[2]

Музички персонал

Наводи

↑ ^1,0 ^1,1 ^1,2 ^1,3 ^1,4 „Skin o' My Teeth Инфо“. rockmetal.art.pl. Архивирано од изворникот на 2019-12-16. Посетено на 28 март 2010.
↑ „Сите винил изданија на „Skin o' My Teeth"“. Архивирано од изворникот на 2011-07-21. Посетено на 2013-01-15.

Надворешни врски

Поврзано

[so-1] 1,0 ^1,1 ^1,2 ^1,3 ^1,4 „Skin o' My Teeth Инфо“. rockmetal.art.pl. Архивирано од изворникот на 2019-12-16. Посетено на 28 март 2010.

[2] „Сите винил изданија на „Skin o' My Teeth"“. Архивирано од изворникот на 2011-07-21. Посетено на 2013-01-15.

[1]

[2]