„Bohemian Rhapsody“ е песна на англискиот рок бенд Queen. Напишана е од страна на Фреди Меркјури и се наоѓа на албумот од 1975 година A Night at the Opera. Песната нема рефрен, наместо содржи повеќе делови: сегмент од балада кој завршува со гитарско соло, оперски премин, и сегмент од хард рок. Своевремено, оваа песна беше најскап сингл на сите времиња и останува запамтена како една од најпознатите снимки во историјата на популарната музика.
Кога беше издадена како сингл, „Bohemian Rhapsody“ стана комерцијална сензација, задржувајќи се на врвот на англиската сингл табела девет недели со повеќе од милион продадени копии на крајот на јануари, 1976 година.
[1] Песната повторно го достигна првото место во 1991 година и се задржа на истото пет недели по смртта на Меркјури, со тоа станувајќи трет најпродаван сингл во Обединетото Кралство на сите времиња.[2] „Bohemian Rhapsody“ се искачи на врвот и на повеќе други странски табели, вклучувајќи ги Канада, Австралија, Нов Зеланд, Ирска и Холандија, потоа станувајќи еден од најпродаваните синглови во светот. Во САД песната се искачи на деветтото место во 1976 година, за потоа во 1992 година да се врати на второто место по појавувањето во филмот Светот на Вејн со чија помож ја врати својата популарниост кај американската публика.
