1+1 (песна)

„1+1“
Промоционален сингл од Бијонсе
од албумот 4
Пуштена	25 мај 2011
Облик	Дигитално спуштање
Снимена	Студиото (Палмс; Лас Вегас, Невада) Трајангл Саунд Студио (Атланта, Џорџија)
Жанр	Р&Б, соул
Должина	4:32
Марка	Columbia Records
Песнописец	Териус Неш, Кристофер Стјуарт, Бијонсе Ноулс
Продуцент(и)	Ноулс, Териус Неш, Трики Стјуарт

„1+1“ е песна снимена од американската пејачка Бијонсе Ноулс за нејзиниот четврт студиски албум, 4, за кој служи како првата песна. За првпат била прикажана од Ноулс на десеттата сезона од Американски Идол на 25 мај 2011. Настапот во живо на Ноулс бил признат од критичарите поради варијациите во нејзиниот глас. Неколку часа по настапот во живо, „1+1“ била издадена преку Columbia Records како промоционален сингл во САД. Песната била напишана од Териус Неш, Ноулс и Кристофер Стјуарт, кој исто така бил и продуцентот на песната. Оригинално наречена „Nothing But Love“, Териус Неш планирал да ја вклучи песната на неговиот втор студиски албум Love vs. Money (2009).

Забавената пауер балада, „1+1“ е Р&Б-соул песна во која женскиот протагонист ја искажува својата љубов кон нејзиниот љубен. Текстот прави изјава за моќноста на нејзината врска. Насловот на песната е заснован на текстот: „Не знам многу за алгебра, но знам дека еден плус еден е еднакво на два“. „1+1“ била генерално добро прифатена од музичките критиачри кои забележале сличности со сингло на Ноулс од 2009, „Halo“. Песната исто така била пофалена за нејзината ниска инструментација, која има максимален акцент на вокалите на Ноулс пополнети со интензивна емоција. „1+1“ се искачила на табелата за Канадски Хот 100 синглови на 82 место како и на 57 место на Билборд Хот 100.

Заднина

„1+1“ е напишана од Ноулс, Териус „The-Dream“ Неш и Кристофер „Трики“ Стјуарт, кој исто така ја продуцирал песната. The-Dream оригинално планирал да ја вклучи песната на неговиот втор студиски албум Love vs. Money (2009). Песната оригинално била наречена „Nothing But Love“ и демо верзијата со вокалите на The-Dream била пратена на интернет на 28 мај 2011. Верзијата на The-Dream е многу слична со таа на Ноулс, но неговото демо содржи повече инструментација и позадински вокали. „1+1“ на Ноулс е поемоционална и посилна песна.

Верзијата на Ноулс била издадена на 25 мај 2011 преку iTunes Store во САД како промоционален сингл од 4, следејќи го водечкиот сингл „Run the World (Girls)“ (2011). Обожавателите кои го нарачале 4 на iTunes Store добиле бесплатно спуштање на „1+1“ на 25 мај. „1+1“ не бил испратен до радијата, а „Best Thing I Never Had“ служела како вториот сингл од 4, следејќи го „Run the World (Girls)“.

Успех на табелите

Песната „1+1“ влегла во Билборд Хот 100 на педесет и седмото место на табелата од 11 јуни 2011, продавајќи 57,000 спуштања таа недела, а на тој начин се појавила и на триесет и третото место на табелата за Хот Дигитални Песни. „1+1“ исто така се искачила на осумдесет и второто место на Канадски Хот 100 на 11 јуни 2011.

Список на песни

• Дигитално спуштање

1. „1+1“ – 4:32

Кредити и личности

Бијонсе Ноулс – вокали, продуцент, текстописец Ли Бласк – Жици Вал Братвејт – миксер асистент Стивен Денис – инженерски асистент Марк Греј – инженерски асистент Мики Калеспи – тапани Тони Мазерати – миксер

Териус „The-Dream“ Неш – продуцент, текстописец Џејсон Шервуд – инженерски асистент Кристофер „Трики“ Стјуарт – продуцент, текстописец Брајан „B- LUV“ Томас – снимач Пет Трал – снимачr Пет Волфорд – инженерски асистент, гитара Џордан „Диџеј Свивел“ Јанг – снимач на вокали Извор:

Табели

Табела (2011)	Највисока позиција
Канадски Хот 100	82
САД Билборд Хот 100	57