Цртан филм

Зборот цртан филм или анимиран филм има неколку значења, врз основа на неколку различни форми на ликовна уметност и илустрација.

Кога ќе се спомне зборот цртан филм веднаш се мисли на илустрација која е исполнета со хумористични елементи. Цртаните најмногу се гледаат од страна на младата популација. Тие за нив се забавни, хумористични и возбудливи. Психолошки е докажано дека гледањето цртани филмови помага и е доста потребно во развитокот на децата. Во сегашно време цртаните од типот на Пепелашка, Снежана, Аладин се исчезнати. Со ова се подразбира дека цртаните со слична структура на приказната повеќе не постојат но и цртаните со слична или иста анимација и илустрација исто така повеќе не постојат или подобро речено повеќе не се произведуваат. Но како и да е сите цртани без разлика на анимацијата и структурата на приказната тие сепак ги имаат елементите кои го прават секој цртан филм ист а тоа се: љубовта, пријателството, чесноста, правдата и вечната борба против доброто и злото. Луѓето кои ги произведуваат цртаните се викаат илустратори и аниматори. Во сегашно време цртани произведуваат и многу големи и успешни продуцентски куќи и сега цртаните сè повеќе учествуваат на доделувањето на доста престижни холивудски награди.

Цртаните сега се произведуваат и како серијали. Јапонците користат посебна техника аниме со која прават цртани серијали кои се едни од најпознатите и едни од најдолгите. Овие јапонски цртани се препознаваат по интересните илустрации како на пример: ликовите имаат доста големи очи, чудни коси, доста долги и со многу „шпицови“, чудни бои на косите, секогаш прават чудни гримаси кога станува збор за смешна случка итн. Но без разлика овие цртани имаат постигнато голем успех низ целиот свет, а и во Македонија. Сè повеќе серијали се произведуваат насекаде низ светот, а најпознати од нив се: Дигимон, Покемон, Драгонбол и др. Покрај јапонските цртани кои се доста познати има и американски цртани кои се исто така многу познати, моментално и цртаниот Винкс кој е од Италија е многу познат и до ден-денес е еден од најгледаните.

Стрипови адаптирани во цртани

Има и многу цртани кои се засновани на стрипови. Познатите Супермен, Бетмен, Спајдермен и други, се всушност стрипови. Бидејќи порано немало толку развиена технологија или пак имало но била скапа за употреба се произведувале стрипови од кои најпознати се горе наведените. По многу години успех овие стрипови кои најмногу се за суперхерои, адаптирани се во цртани. И во серијали и во обични цртани. Дури и од големиот успех снимени се и филмови, па и серии како што е Смолвил. Познатите Таличниот Том и Тинтин се исто така стрипови но овојпат француски. Сите знаеме дека стрип јунаците најмногу потекнуваат од САД, но еве Лук е доста познат, а е од Франција. Има што е многу ретко и цртани кои произлегуваат од филмови. Исто така ако некој цртан филм добие голем успех се прави и видеоигра по него.

Пример со 8 цртежи со чие постојано повторување се создава „жив цртеж“ - основа за цртаните филмови

Структура и одлики на еден цртан филм

Најпознато за цртаните е тоа што повеќето од нив се со магија. Најпрвин скоро во сите цртани без разлика од каде се главниот лик протагонистот секогаш располага со следниве особини: чесност, добрина, праведност итн. За разлика од останатите ликови протагонистот секогаш сака правда и никогаш не се лути и не љубомори на другите ликови што всушност создава еден вид идеална личност. Но ваквите ликови и оваа структура на цртан најмногу ја има во цртаните наменети за помалите, на пример за деца од 2 до 5 години. Друга одлика за цртаните е тоа што секогаш се работи за борбата помеѓу доброто и злото.

Надворешни врски

• (англиски) Анимиран филм Архивирано на 25 септември 2006 г. Како се прави цртан филм
• (англиски) Animation Toolworks Архивирано на 27 септември 2007 г.
• (англиски) Cartoon Network tv_shows Архивирано на 1 ноември 2008 г. има куса лекција (Animation: How to...) од авторот Атом Ант