Населица
Населица (грчки: Ανασελίτσα, Анаселица, турски: Nasliç, Наслич) — историско-географска област во Егејска Македонија. Крајот се нарекува и Населичко или Лапчишко. Своевремено подрачјето ја сочинувало управната единица Населичка каза.
Областа ги опфаќа селата во денешната општина Горуша, во источното подножје на разгранокот на истоимената планина Горуша и селата во западното подножје на планината Сињак. На север се граничи со Костурско (по реката Беливод), на југ со Гребенско, а на исток со Кожанско. Низ областа тече реката Бистрица. Главен град на областа традиционално е Лапчишта (денес Неаполи), кој во османлиско време понекогаш се нарекувал и Населица.
Историја
[уреди | уреди извор]Оваа област во минатото била населена исклучиво со Македонци, за што сведочи османлискиот историчар Ќатип Челебија (Хаџи Калфа) во неговото дело „Румелија и Босна“ од XVII век[1], како и македонските имиња на речиси сите населени места во областа пред нивното присилно преименување во 1920-тите.
На почетокот на ΧΧ век, со исклучок на неколку македонски села, главнината од населението во областа се состоела од Грци христијани и гркојазични муслимани наречени Валахади.[2]
Наводи
[уреди | уреди извор]- ↑ „Румелија и Босна“ од Хаџи Калфа на германски во превод на Јозеф фон Хамер
- ↑ Кѫнчовъ, Василъ (1911). Орохидрография на Македония. Пловдивъ: Издава Българското книжовно дружество въ София, Печатница Хр. Г. Дановъ. стр. 67.
