Домника Рајчановска

Домника Рајчановска (р. 1960 година) — македонски педијатар и универзитетски професор.

Животопис

Средно училиште завршила во гимназијата „Јосип Броз-Тито“ во Битола. Дипломирала на Медицинскиот факултет во Скопје во 1984 година. Специјализирала на педијатрија од 1995 година до 1999 година. Магистерските студии ги завршила во 2007 година и потоа запишала докторски студии во 2008 година.

Во 1986 година се вработила во Медицинскиот центар во Битола. Како педијатар работела во амбулантата во Домот за доенчиња и мали деца, исто така во Битола. Последните години работела во ЈЗУ Здравствен дом во Службата за превентивна здравствена заштита на деца од 0-6 години.

Во 2007/08 година станала предавач на Високата Медицинска школа во Битола.

Од научно истражувачките области проучува педијатрија, спортска медицина, здравствено воспитание и медицина на трудот. Посебен фокус од научно-истражувачката дејност посветува на клиничката медицина.

Како професор, а потоа и директор на Медицинската школа во Битола при универзитетот „Св. Климент Охридски“, Рајчановска предавала многу предмети.

Постигнувања

Има учествувано на бројни конгреси, симпозиуми и семинари и е автор или соавтор на повеќе стручно-научно трудови од областа на педијатријата.