Динкелсбил

Динкелсбил Dinkelsbühl
Поглед на стариот град од црковната кула Поглед на стариот град од црковната кула
Динкелсбил
Управа
Земја	Германија
Покраина	Баварија
Адм. подрач.	Средна Франконија
Округ	Ансбах
Обербургмајстер	Д-р Кристоф Хамер (ХСС)
Основни податоци
Површина	75,19 км2
Надм. височина	442 м
Население	12.272 (31 декември 2023)
- Густина	163 жит/км2
Други информации
Часовен појас	CET/CEST (UTC+1/+2)
Рег. табл.	AN, DKB, FEU, ROT
Пошт. бр.	91550
Повик. бр.	09851
Портал	dinkelsbuehl.de
Местоположба на град Динкелсбил во рамките на округот Ансбах
Карта
Координати	49°4′15″N 10°19′10″E

Динкелсбил (германски: Dinkelsbühl) – град во Германија, во Баварија, во округот Ансбах и административното подрачје Средна Франконија.

Географија

Местоположба на Динкелсбил во округот Ансбах

Динкелсбил

Динкелсбил е сместен на југозапад на округот Ансбах, на границата со сојузната покраина Баден-Виртемберг (окрузите Швебиш Хал и Осталб) на романтичниот пат. Низ градот тече реката Верниц.

Во седумдесеттите години на 20 век територијата на Динкелсбил е проширена со бројни општини, со што општината петкратно ја зголемила својата површина (од 14,47 км² во 1900 година на 75 км² денес).

Историја

Фахверк-куќи од 16 век

Градот бил утврден од царот Хајнрих V, во 1305 година ги добил истите општински права како Улм и во 1351 година станал слободен царски град каков останал до 1802 година кога бил присоединет кон Баварија. Неговиот општински закон (Dinkelsbühler Recht) издаден во 1536 година и ревидиран во 1738 година, содржел значајна збирка на јавни и приватни закони.

После неговото присоединување кон Кралството Баварија, Динкелсбил станал административен центар на округ кој опстојувал до после Втората светска војна. Во 1910 година, овој округ броел 24.761 жители од кои повеќе од 85% биле лутеранизамлутеранци, во 1933 година броел 23.911 жители (еврејска заедница од 106 лица од кои 61 лице во самиот град Динкелсбил, во 1950 година броел 39.283 жители (за време на војната голем број на бегалци од големите градови се сместиле во округот) и 33.600 жители во 1960 година, од кои 5.500 бегалци.

Знаменитости

Динкелсбил е средновековен интересен град со бројни стари куќи, опколен со ѕидини, кули и капии.

• Катедрала Санкт Георг, една од најубавите германски цркви во готски стил, ја чува својата романска кула. Датира од 15 век, а во внатрешноста, во јужниот дел, се наоѓа реликвар кој ги покажува коските на св. Аврелијан и слика на главниот олтар кој прикажува едно посебно распнување (1490), каде симболите на евангелистите го красат крстот.
• Стар кармелитски манастир во барокен стил, секуларизиран и продаден на лутеранската заедница во 1802 година, кој денес е музичко училиште.
• Стар манастир на капучините
• Дојчес хаус, дом на грофовите од Дрехсел-Дојфштетен, типичен за германската ренесанса.
• Споменик на Кристоф фон Шмид (1768-1854), автор на приказни за деца.
• Стара болница Хајлиг-Гајст, основана во 1380 година.
• Старото градско собрание (Alt Rathaus), денес музеј.
• Старата градска мелница, денес Музеј на третата димензија.

Демографија

Градот Динкелсбил во старите граници:

Население по години

1890	1900	1910	1925	1933	1939
4.496	4.573	4.800	5.067	5.155	4.809

Градот Динкелсбил во актуелните граници:

Население по години

1840	1871	1900	1910	1925	1933	1939	1950	1961	1970	1979	1989	2000	2003	2009
7.569	7.980	7.282	7.724	7.847	7.890	7.757	10.714	10.546	10.711	10.761	10.894	11.549	11.605	11.443

Збратимени градови

Динкелсбил е збратимен со:

• Германија, Еденкобен, (од 1955 година)
• Финска, Порво (од 1961 година)
• Франција, Геранд (од 1962 година)
• Романија, Сегешвар (од 2001 година)
• Кина, Ѓингѓанг (од 2004 година)

Галерија

• 
  Портата Верниц
• 
  „Св. Ѓорѓи“
• 
  Внатрешноста на Санкт Георг
• 
  Пазарот со "Дојчес хаус" (трета оддесно)
• 
  Вајнмаркт
• 
  Порта Сегринген
• 
  Улица Сегринген
• 
  Порта Ротенбург
• 
  Улица д-р Мартин Лутер
• 
  Улица Нердлинген
• 
  Порта Нердлинген
• 
  Црква Санкт Паул