Табличка од Киш
Табличката од Киш е табличка од варовник пронајдена во Тел ал-Ухајмир, провинцијата Вавилон, Ирак – местото на античкиот сумерски град Киш. Реплика од гипс на овој артефакт денес се чуваво колекцијата на музејот Ешмола.
Табличката од Киш е испишана со клинесто писмо, а се смета дека потекнува од околу 35 век п.н.е. (средниот Урук период). некои научници сметаат дека потекнува од подоцнежен период – четвртиот Урук период (околу 3350–3200 г. п.н.е.).[1] Неколку илјади документи со првобитното клинесто писмо што датираат од четвртиот и третиот Урук период (околу 3350–3000 г. п.н.е.) се пронајдени во Урук.
Текстот е пиктографски, и го претставува преодниот период меѓу првото клинесто писмо и појавата на делумно слоговно пишување. Периодот на „првото клинесто писмо“ во Египет и Месопотамија се протега од 3500 до 2900 г. п.н.е. Административните текстови од периодот Џемдет Наср (3100–2900 г. п.н.е.), најдени во Џемдет Наср и Тел Укар го претставуваат понатамошниот стадиум во развојот на првобитното клинесто писмо, но сепак не можат со сигурност да се идентификуваат дека се напишани на сумерски јазик.[2]
Поврзано
[уреди | уреди извор] |
„Табличка од Киш“ на Ризницата ? |
Наводи
[уреди | уреди извор]- ↑ Hayes, John L., 1990 A Manual of Sumerian Grammar and Texts, Undena Publications, p.266
- ↑ Woods, Christopher (2010), „The earliest Mesopotamian writing“, Во Woods, Christopher (уред.), Visible language. Inventions of writing in the ancient Middle East and beyond (PDF), Oriental Institute Museum Publications, 32, Chicago: University of Chicago, стр. 33–50, ISBN 978-1-885923-76-9, Архивирано од изворникот (PDF) на 2021-08-26, Посетено на 2017-12-31
Further reading
[уреди | уреди извор]- A. C. Moorhouse, The Triumph of the Alphabet: A History of Writing
- Langdon, Pictographic Inscriptions from Jemdet Nasr
- Peter N. Stearns, The Encyclopedia of World History (2001), ISBN 978-0-395-65237-4.