Lompat ke isi

Pandemi koronavirus 2019 di Japang

Wikipedia Minangkabau - Lubuak aka tapian ilimu
Artikel ko mandokumentasikan bancano kini ko. Informasi tantang hal itu dapek capek barubah kok informasi labiah lanjuik tasadio; laporan barito jo sumber-sumber primer lainnyo mungkin indak bisa diandalkan. Pambaruan tarakhia untuak artikel ko mungkin indak mancaminkan informasi kiniko tantang bancano ko untuak sadoalah bidang.
Pandemi koronavirus 2019 di Japang
Kasus takonfirmasi per sajuta panduduak manuruik prefektur
PanyakikCOVID-19
Virus strainSARS-CoV-2
LokasiJapang
Kasus partamoPrefektur Kanagawa
Tangga mulo16 Januari 2020
AsaWuhan, Hubei, Cino
Kasus takonfirmasi11.543[1]
Cegak1.356
Maningga
283[1]

Pandemi koronavirus 2019 di Japang partamo kali dilaporkan pado 23 Januari 2020. Panyakik ko partamo kali dibaok dari Cino.[2] Pado akhia Februari, sikolah dari janjang dasar inggo tinggi akhianyo ditutuik untuak maambek panyebaran virus ko.[3] Pandemi ko juo mambuek alek olahraga dunia, yaitu Olimpiade Musim Paneh 2020 nan batampek di Japang batal diadoan dan diundua inggo 2021.[4]

Garih wakatu

[suntiang | suntiang sumber]

Januari

[suntiang | suntiang sumber]

Partamo kali baok dek surang laki-laki bakawarganagaraan Cino barumua 30 tahun nan sabalunnyo ado riwayaik bakunjuang ka Wuhan. Badannyo lah mulai mandamam pado 3 Januari dan baliak ka Japang pado 6 Januari. Masuak rumah sakik antaro 10 inggo 15 Januari dan dipareso jo hasia positif tainfeksi. Indak ado riwayaik bakunjuang ka Pasa Binatang Huanan, Wuhan, tapi kamungkinan virusnyo tapindah dek kontak arek jo urang tainfeksi.[5][6] Baturuik-turuik kasus kaduo takonfirmasi pado 24 Januari jo kasus katigo pado 25 Januari nan samo-samo bakawarganagaraan Cino nan baru bapulang dari Wuhan.[7][8]

Kudian pamarintah Japang mulai maagiah paratian labiah pado kasus ko dek sabagai tuan rumah Olimpiade Musim Paneh 2020 nan rencana ka balansuang sabanta lai.[9] Kasus takonfirmasi taruih batambah tarutamo dari urang nan baru barulang dari Cino.[10] Untuak malinduangi warganyo dari Cino, pamarintah mulai maevakuasi warganyo nan kudian dipareso jo dikarantina.[11]

Februari

[suntiang | suntiang sumber]

Sajak 3 Februari, pamarintah Japang malarang masuak urang nan ado riwayaik bakunjuang dari Provinsi Hubei jo urang nan bakawarganagaraan Cino nan paspornyo dikaluakan dari pamarintah daerah Hubei.[12] Balaku pulo aturan untuak wajib maisi kuesioner riwayaik kunjuangan dalam 14 ari untuak palancong bukan kawarganagaraan Japang.[12]

Pado 13 Februari, kasus kamatian partamo dek COVID-19 dilaporkan di Japang. Korban maningga yaitu padusi barumua 80-an nan maningga di Prefektur Kanagawa (sabalah Tokyo) nan marupokan mintuo dari surang sopir taksi nan sabalunnyo takonfirmasi positif.[13]

Pado 18 Februari, Prefektur Wakayama maumumkan ado tigo takonfirmasi positif dan salah satunyo dibaok ka Rumah Sakik Saisekai Arida. Duo urang lainnyo adolah dotor jo parawaik nan bakarajo sabagai Tim Bantuan Medis jo Bancano dari Kapa Pesiar Diamond Princess.[14] Bisuaknyo, pamaresoan untuak 3.011 kasus di ateh kapa lah salasai dilakukan.[15]

Pado 20 Februari partamo kalinyo Prefektur Fukuoka mandapek kasus positif. Pandaritonyo adolah laki-laki Japang barumua 60-an nan indak punyo riwayaik pai ka lua nagari.[16]

Pado 21 Februari, dilaporkan duo anak-anak SD di Hokkaido jo ciek anak prasikolah takonfirmasi positif. Pado kasus anak prasikolah, didapek basonyo ado rowayaik bakunjuang dari Wuhan basamo ayahnyo.[17]

Pado 23 Februari, panyadio layanan jalan tol Nagoya maumumkan rencana manutuik babarapo gerbang jalan tol sarato marumahkan pagawainyo sasudah ciek pagayainyo takonfirmasi positif.[18]

Pado 27 Februari, Perdana Menteri Abe Shinzo maumumkan untuak manutuik sadoalah sikolah di Japang inggo April.[19][20]

Urang-urang di Tokyo mamakai masker.

Maret

[suntiang | suntiang sumber]

Pado 5 Maret, pamarintah Japang mawajibkan karantina untuak sadoalah pangunjuang dari Cino jo Korea Selatan.[21] Bisuaknyo, pamarintah Korea Selatan maajukan protes ateh karantina nan dilakukan Japang jo tindakan manunda visa masuak Korea Selatan untuak warga Japang.[22]

Pado 16 Maret, aturan restriksi atau pambatasan dipalaweh. Pangunjuang dari Italia jo Iran dibatasi.[23]

Pado 23 Maret, Gubernur Tokyo Yuriko Koike maingekan partisipasi warga untuak manjago diri dari infeksi supayo indak tajadi lockdown. Pado 25 Maret diumumkan 41 kasus positif baru tiok ari di Tokyo.[24] Gubernur Tokyo pun maimbau warga untuak bisa karajo dari rumah (working from home) salamo duo pakan.[25] Dek imbauan tu, tajadi "Panic Buying" di Tokyo.[26]

Pado 31 Maret, PM Abe diimbau dek babagai tokoh politik, pamarintahan, jo kasihatan untuak mandeklarasikan kondisi darurat nasional.[27] Namun, PM Abe basamo Sekretaris Kabinet Suga manulak usua tasabuik dek diraso alun paralu.[28]

Dampak sosial ekonomi

[suntiang | suntiang sumber]
Rak ubek di sabuah apotek di Japang abih tandeh manjua masker pado 3 Februari 2020

Perdana Menteri Abe manyabuik baso pandemi COVID-19 maagiah dampak gadang di sadoalah bidang khususnyo bidang pariwisata jo ekonomi.[29] Inyo mampatimbangkan untuak manggunokan dana darurat untuak mitigasi dampak wabah pado bidang pariwisata tamasuak panabangan, ritel, jo agen wisata nan biasonyo disumbang pandapatannyo 40% dari turis Cino. Panduduak nan barasa dari Cino pun mandapek palakuan diskriminatif dari warga Japang.[30] Di bidang hiburan, sadoalah wahana hiburan kelas dunia alah tutuik sajak 29 Februari walau sempat juo dibukak samantaro pado 15 Maret. PM Abe pun maimbau sadoalah alek hiburan jo budayo musti ditunda.[31][32][33][34]

Pado bidang olahraga, alek gadang tingkek dunia cando Olimpiade Musim Paneh 2020 nan dijadwalkan balansuang di Japang akhia bulan Juli akhianyo ditunda ka 2021. Kaputusan iko diambiak sasudah Komite Olimpiade Internasional mamantau dampak wabah di Japang.[35] Salain itu, baragam alek olahraga tingkek nasional di Japang ditunda untuak diadoan.[35] Samantaro pacu kudo di Japang tatap balansuang tapi tanpa panonton. Panonton nan ka maagiah taruhan ka kudo pacu hanyo dilakukan malalui internet atau telepon.[36]

Pambatasan

[suntiang | suntiang sumber]
Imbauan ka panompang untuak mancuci tangan di ateh kareta Tokaido Shinkansen

Manuruik hukum nan balaku di Japang, pamarintah indak bisa mambatasi pagarakan urang-urang nan alah tainfeksi virus. Pamarintah hanyo dapek malakukan imbauan ka warga untuak manjago jarak kontak supayo mangurangi dampak ekonomi nagara. Tindakan lain nan dilakukan adolah pambatasan pagarakan urang dari lua nagari ka dalam Japang.[37]

Pado tingkek internasional, ado banyak nagara nan alah malarang kunjuangan warga Japang ka wilayah nagaranyo. Hal iko dilakukan dek kasus COVID-19 mulai maningkek di Japang. Di antaronyo:

Rujuakan

[suntiang | suntiang sumber]
  1. ↑ a b Ministry of Health, Labour and Welfare
  2. ↑ "WHO | Novel Coronavirus – Japan (ex-China)". WHO. Diakses tanggal 2020-03-18. 
  3. ↑ NEWS, KYODO. "PM Abe asks all schools in Japan to temporarily close over coronavirus". Kyodo News+. 
  4. ↑ "Tokyo 2020 Olympics officially postponed until 2021". ESPN. 24 March 2020. 
  5. ↑ Walter, Sim (16 January 2020). "Japan confirms first case of infection from Wuhan coronavirus; Vietnam quarantines two tourists". The Straits Times. Diarsipkan dari versi asli tanggal 16 January 2020. Diakses tanggal 16 January 2020. 
  6. ↑ "WHO | Novel Coronavirus – Japan (ex-China)". WHO. Diakses tanggal 17 January 2020. 
  7. ↑ "Japan confirms 2nd new virus case, braces for Chinese tourist influx". Kyodo News. 24 January 2020. Diarsipkan dari versi asli tanggal 1 February 2020. Diakses tanggal 8 February 2020. 
  8. ↑ "Japan confirms third case of new coronavirus infection". Japan Times. 25 January 2020. Diarsipkan dari versi asli tanggal 15 March 2020. Diakses tanggal 1 April 2020. 
  9. ↑ Swift, Rocky (23 January 2020). "Coronavirus spotlights Japan contagion risks as Olympics loom". Reuters. Diarsipkan dari versi asli tanggal 24 January 2020. Diakses tanggal 24 January 2020. 
  10. ↑ "Japan confirms 1st domestic case of coronavirus infection". Diarsipkan dari versi asli tanggal 2 February 2020. Diakses tanggal 8 February 2020. 
  11. ↑ "Wuhan virus: Evacuation of Japanese citizens from China in spotlight after two returnees refuse testing". The Straits Times. 30 January 2020. Diarsipkan dari versi asli tanggal 31 January 2020. Diakses tanggal 8 February 2020. 
  12. ↑ a b "Important Notice on New Restrictions related to Novel Coronavirus : Embassy of Japan in the Philippines". ph.emb-japan.go.jp. 3 February 2020. Diarsipkan dari versi asli tanggal 3 February 2020. Diakses tanggal 8 February 2020. 
  13. ↑ "Japan reports first COVID-19 death as three more domestic infection cases logged". Japan Times. 13 February 2020. ISSN 0447-5763. Diarsipkan dari versi asli tanggal 1 April 2020. Diakses tanggal 15 February 2020. 
  14. ↑ "3 More in Japan's Wakayama Confirmed Infected with Coronavirus". nippon.com. 18 February 2020. Diarsipkan dari versi asli tanggal 1 April 2020. Diakses tanggal 1 April 2020. 
  15. ↑ "横浜港で検疫中のクルーズ船内で確認された新型コロナウイルス感染症について（第１３報）". www.mhlw.go.jp. 
  16. ↑ "First COVID-19 Coronavirus in Fukuoka". Diakses tanggal 8 March 2020. 
  17. ↑ "(Update) 2 Hokkaido Boys Infected with New Coronavirus – JIJI PRESS". jen.jiji.com. 
  18. ↑ "名古屋高速 料金所事務員が新型コロナ感染 ６料金所を閉鎖". NHKニュース. 
  19. ↑ "PM Abe asks all schools in Japan to temporarily close over coronavirus". Kyodo News, 27 February 2020.
  20. ↑ "All schools in Japan told to close until April over virus outbreak". The Japan Times Online. The Japan Times. 27 February 2020. Diarsipkan dari versi asli tanggal 1 April 2020. Diakses tanggal 27 February 2020. 
  21. ↑ "Japan to quarantine visitors from China, South Korea: Report". CNA. Diarsipkan dari versi asli tanggal 6 March 2020. Diakses tanggal 8 March 2020. 
  22. ↑ "South Korea suspends visas for Japanese in tit-for-tat coronavirus curbs". reuters.com. 7 March 2020. Diakses tanggal 8 March 2020. 
  23. ↑ "Japan to expand entry ban to more European regions". njk.or.jp. 16 March 2020. Diakses tanggal 17 March 2020. 
  24. ↑ "Tokyo governor urges people to stay indoors over weekend as virus cases spike". Japan Times. Diarsipkan dari versi asli tanggal 2020-04-01. Diakses tanggal 2020-04-01. 
  25. ↑ "Tokyo residents asked to stay indoors at weekend due to coronavirus". The Mainichi. Diarsipkan dari versi asli tanggal 2020-04-01. Diakses tanggal 2020-04-01. 
  26. ↑ "Tokyo Edges Toward Tougher Approach A-s Virus Cases Spread". Bloomberg L.P. 
  27. ↑ "Calls grow for Japan PM Abe to declare state of emergency over virus". Mainichi Shimbun. Diarsipkan dari versi asli tanggal 2020-04-01. Diakses tanggal 2020-04-01. 
  28. ↑ "Abe, Suga flatly deny a state of emergency is imminent". The Asahi Shimbun. 
  29. ↑ "Japan reports 20th case of coronavirus as Abe vows new steps to combat outbreak". Japan Times. 1 February 2020. ISSN 0447-5763. Diarsipkan dari versi asli tanggal 1 February 2020. Diakses tanggal 1 February 2020. 
  30. ↑ Pfanner, Eric (30 January 2020). "Chinese tourists finding they are no longer welcome as fear over coronavirus takes hold". Japan Times. ISSN 0447-5763. Diarsipkan dari versi asli tanggal 31 January 2020. Diakses tanggal 31 January 2020. 
  31. ↑ "Tokyo Disneyland to stay closed through early April due to virus". Reuters. 
  32. ↑ "Tokyo Disneyland Extends Shutdown, May See Longest-Ever Closure". Bloomberg L.P. 
  33. ↑ Nohara, Yoshiaki (31 January 2020). "Japan Considers Extra Spending Over Coronavirus's Impact on Tourism". MSN. Diarsipkan dari versi asli tanggal 31 January 2020. 
  34. ↑ "Abe: Next 2 weeks 'crucial' in virus battle NHK WORLD-JAPAN News". NHK World Japan (dalam bahasa Inggris). 26 February 2020. Diakses tanggal 16 March 2020. 
  35. ↑ a b "Sumo: Spring meet unlikely to be held in "regular" fashion: JSA". Kyodo News. 28 February 2020. Diakses tanggal 28 February 2020. 
  36. ↑ Coronavirus Forces Bettors Online in Japan
  37. ↑ Tomohiro Osaki "How far can Japan go to curb the coronavirus outbreak? Not as far as you may think. The Japan Times, 1 March 2020.
  38. ↑ a b c d e f g h i j k l m n "18 countries, regions restricting entry from Japan over virus". Mainichi Daily News (dalam bahasa Inggris). 3 March 2020. Diakses tanggal 5 March 2020. 
  39. ↑ a b c d e f g h "新型コロナウイルス（日本からの渡航者・日本人に対する 各国・地域の入国制限措置及び入国・入域後の行動制限）". Ministry of Foreign Affairs of Japan. Diarsipkan dari versi asli tanggal 7 March 2020. Diakses tanggal 6 March 2020. 
  40. ↑ "Coronavirus outbreak: Bangladesh restricts passengers from 4 countries". Dhaka Tribune. 4 March 2020. Diakses tanggal 5 March 2020. 
  41. ↑ "North Korea suspends foreign tourism over coronavirus fears: tour companies". Reuters (dalam bahasa Inggris). 22 January 2020. Diakses tanggal 5 March 2020. 
  42. ↑ "Seven provinces in Italy, Japan, and Iran added to Malaysia's Covid-19 travel ban list". thestar.com.my. Diakses tanggal 5 March 2020. 
  43. ↑ "Kazakhstan bars entry for nationals of China, Japan, Iran, Italy, South Korea". akipress.com. Diakses tanggal 2020-03-07. 
  44. ↑ "Tajikistan shuts border to nationals of 35 countries: sources". Reuters (dalam bahasa Inggris). 2 March 2020. Diakses tanggal 5 March 2020. 
  45. ↑ a b c d e "7 countries restrict entry from Japan to thwart new virus spread". Mainichi Daily News. 25 February 2020. Diarsipkan dari versi asli tanggal 28 March 2020. Diakses tanggal 8 March 2020. 
  46. ↑ "Papua New Guinea bans travellers from all 'Asian ports'". news.yahoo.com (dalam bahasa Inggris). Diakses tanggal 5 March 2020. 
  47. ↑ a b c "IATA - International Travel Document News". iatatravelcentre.com. Diarsipkan dari versi asli tanggal 2020-06-27. Diakses tanggal 2020-03-09. 
Diambiak dari "https://min.wikipedia.org/w/index.php?title=Pandemi_koronavirus_2019_di_Japang&oldid=3155844"