Kekah natuna
| Kekah natuna[1][2] | |
|---|---|
| Conservation status | |
| Klasifikasi ilmiah | |
| Kingdom: | Animalia |
| Phylum: | Khordata |
| Class: | Mamalia |
| Order: | Primata |
| Family: | Cercopithecidae |
| Genus: | Presbytis |
| Species: | P. natunae |
| Namo binomial | |
| Presbytis natunae (Thomas & Hartert, 1894) | |
| |
| Persebaran kekah natuna | |
Kekah natuna (Presbytis natunae) atau surili Pulau Natuna adolah sabuah spesies primata dari famili Cercopithecidae. Primata iko marupoan binatang endemik di Pulau Natuna Besar, Indonesia. Kekah natuna iko babeda jo monyet kokah (P. siamensis) dan marupoan binatang nan tagolong punyo spesiesnyo surang. Kajian iko marupaoan hasia dari panalitian primatolog Colin Groves pado tahun 2001. Populasi kekah natuna dipakiroan kurang dari 10.000 ikua pado tahun 2002 dengan ancaman utamonyo yaitunyo panabangan jo pambukaan lahan hutan di Kapulauan Natuna samanjak tahun 1980.[4]
Morfologi
[suntiang | suntiang sumber]Jiko diliek dari bantuak nyo, binantang iko mampunyoi bantuak nan unik sarato lucu. Sakileh bantuaknyo sarupo jo saikua monyet atau cigak tatapi sabananyo babeda. Kekah natuna ko kasado badannyo di baluik dek bulu nan bawarna hitam jo putiah. Nan unik dari kekah natuna ko iolah bantuak matonyo yang manyuropoi saolah-olah inyo mamakai kacomato. Hal tasabuik dikaranokan bulu nan bawarna hitam nan ado di kapalanyo di batehi dek bulu nan bawarna putiah nan tadapek disalingka kaduo dari mato kekah natuna ko. Salain itu, kekah natuna jo tamasuak pulo kadalam hewan nan dikategorian jinak.[5]
Sacaro umum kekah natuna marupoan primata nan baukuran sadang sampai agak gadang dengan bantuak kapalo nyo nan bulek, muncuangnyo pendek, kamudian tungkai jo langan panjang. Bagian peruik nyo manonjol nan ikuanyo babulu taba jo panjang. Ukuran badannyo dikisaran antaro 58 cm hinggo 85 cm. Sadangkan barek badan dari kekah natuna ko sakitar 5 hinggo 8 kilogram. Kalau bayi kekah nan baru lahia biasonyo bawarna putiah tarang. Warnanyo akan barubah sasuai jo patumbuahan umuanyo, sahinggo samo jo warna induak nyo nan badan nya samakin bawarna hitam galok.[6]
Habitat
[suntiang | suntiang sumber]Sasuai jo namonyo kekah natuna atau bahaso latinnyo presbytis natunae marupoan primata endemik atau binatang asli nan hanyo ado di Kabupaten Natuna. Labiah tapeknyo lai, kekah natuno hanyo punyo habitat di Pulau Bunguran nan marupoan pulau utamo nan barado dalam wilayah Kabupaten Natuna, Provinsi Kepulauan Riau. Di pulau iko salain kekah tadapek pulo binatang primata endemik lainnyo yaitunyo kukang jo kera ikua panjang.[7] Kekah natuna kabanyakan iduik di tangah hutan-hutan nan ado di Pulau Bunguran ko sarupo hutan pagunuangan primer, hutan sekunder, jo hutan mangrove.[8] Habitatnyo nan kian hari makin saketek mambuek binatang primata ko agak sulit ditamuan di pulau tasabuik.[7]
Status kapunahan
[suntiang | suntiang sumber]Kekah natuna marupoan fauna nan mangalami ancaman kapunahan paliang serius.[5] Kekah natuna iko masuak ka dalam status rentan punah atau vulnerable (VU) manuruik International Union for Conservation of Nature (IUCN) sabuah organisasi persatuan internasional untuak konservasi alam jo sumber daya alam. Manuruik IUCN ko kekah natuna tarancam punah disababkan dek adonyo pambangunan kawasan parumahan, komersial, pertanian, akuakultur, pamburuan, jo panabangan kayu. Salain itu, indak ado pulo tadapek tampek konservasi di Kabupaten Natuna.[8]
Rujuakan
[suntiang | suntiang sumber]- ↑ "Kekah Natuna (Presbytis Natunae)". Pusat Studi Satwa Primata Institut Pertanian Bogor. Diakses tanggal 2021-09-18.
- ↑ Groves, C.P. (2005). Wilson, D.E.; Reeder, D.M.. eds. Mammal Species of the World: A Taxonomic and Geographic Reference (edisi ke-3rd). Baltimore: Johns Hopkins University Press. p. 172. ISBN 0-801-88221-4. OCLC 62265494. http://www.bucknell.edu/msw3/browse.asp?id=12100663.
- ↑ {{{assessors}}} (2008). Presbytis natunae. Daftar Sirah Spesies Tarancam IUCN 2008. IUCN 2008. Diakses pada 2021-09-18.
- ↑ Martjan Lammertink, Vincent Nijman, Utami Setiorini: Population size, Red List status and conservation of the Natuna leaf monkey Presbytis natunae endemic to the island of Bunguran, Indonesia. In: Oryx. 37, 2003, ISSN 0030-6053, pp. 472–479, Abstract.
- ↑ a b "Selamatkan Kekah Natuna". Website Resmi Dinas Pariwisata dan Kebudayaan Kabupaten Natuna (dalam bahasa Inggris). 2017-05-16. Diarsipkan dari versi asli tanggal 2021-09-18. Diakses tanggal 2021-09-18.
- ↑ "Monyet Kekah, Primata Langka di Natuna". kumparan (dalam bahasa Indonesia). Diakses tanggal 2021-09-18.
- ↑ a b Setiandari, Y.C., 2018. STUDI TINGKAT PENURUNAN POPULASI HEWAN ENDEMIK KEKAH NATUNA (Presbytis natunae) DI DESA CERUK, KABUPATEN NATUNA DITINJAU DARI PENYEBABNYA (Doctoral dissertation, FKIP UNPAS).
- ↑ a b "Kekah, Satwa Endemik Natuna Kian Terancam Punah". Mongabay.co.id (dalam bahasa Inggris). 2021-05-01. Diakses tanggal 2021-09-18.