भारतक प्रधानमन्त्री

भारत सरकारक प्रधानमन्त्री
भारत सरकारक संप्रतीक
भारतीय राष्ट्रिय ध्वज
बहालवाला नरेन्द्र मोदी २६ मई २०१४ (२०१४-०५-२६) सँ
प्रधानमन्त्री कार्यालय
सम्बोधन	माननीय (औपचारिक) महामहिम (राजनयिक)
Member of	केन्द्रीय मन्त्रिमण्डल नीति आयोग संसद
निवास	७, लोक कल्याण मार्ग, नयाँ दिल्ली, भारत
पद संख्या	प्रधानमन्त्री कार्यालय, साउथ ब्लक, नयाँ दिल्ली, भारत
नियुक्तिकर्ता	राष्ट्रपति रीतिस्पद रूपतः लोकसभामे बहुमत सिद्ध करवाक क्षमताद्वारा
पदावधी	राष्ट्रपतिक प्रसादपर्यन्त परम्परागत रूप सँ, लोकसभामे बहुमत सिद्ध करवाक क्षमता पर लोकसभाक दीर्घतम कार्यावधि ५ वर्ष होएत अछि, मुदा कार्यकाल समापनक पूर्व सभा भङ्ग नै कएल जाए तहन । कायर्काल पर कोनो प्रकारक समय-सीमा रेखाङ्कित नै कएल गेल अछि ।
सुरुवाती बहालवाला	जवाहरलाल नेहरू (१९४७-१९६४)
स्थापना	१५ अगस्त १९४७ (1947-08-15)
उप	भारतक उपप्रधानमन्त्री (यदि कोनो)
पारिश्रमिक	₹20 लाख (युएस$३०,२००) (वार्षिक, ₹९,६०,००० (युएस$१४,४९२.७४) संसदीय वेतन सहित)
वेबसाइट	pmindia.gov.in

भारत गणतन्त्रक प्रधानमन्त्री (सामान्य वर्तनी:प्रधानमन्त्री) कऽ पद भारतीय सङ्घक शासन प्रमुख कऽ पद छी । भारतीय संविधानक अनुसार, प्रधानमन्त्री केन्द्र सरकारक मन्त्रिपरिषद्क प्रमुख आ राष्ट्रपतिक मुख्य सलाहकार होएत अछि । ओ भारत सरकारक कार्यपालिकाक प्रमुख होएत अछि आ सरकारक कार्यसभक प्रति संसदक जवाबदेह होएत अछि । भारतक संसदीय राजनैतिक प्रणालीमे राष्ट्रप्रमुख आ शासनप्रमुखक पदकें पूर्णतः विभक्त राखल गेल अछि । सैद्धान्तिक रूपमे संविधान भारतक राष्ट्रपतिकें देशक राष्ट्रप्रमुख घोषित करैत अछि आ सैद्धान्तिक रूपमे, शासनतन्त्रक सम्पूर्ण शक्तिसभकें राष्ट्रपतिमे निहित करैत अछि । तथा संविधान एहो निर्दिष्ट करैत अछि की राष्ट्रपति ई अधिकारसभक प्रयोग अपन अधीनस्थ अधिकारीसभक सलाह पर करत । संविधानद्वारा राष्ट्रपतिक सम्पूर्ण कार्यकारी अधिकारसभक प्रयोग करवाक शक्ति, लोकतान्त्रिक रूप सँ निर्वाचित, प्रधानमन्त्रीकें देल गेल अछि । संविधान अपन भाग ५ कऽ विभिन्न अनुच्छेदसभमे प्रधानमन्त्रीपदकें संवैधानिक अधिकारसभ आ कर्तव्यसभकें निर्धारित करैत अछि ।

भारतीय संविधानक अनुच्छेद ७४ मे स्पष्ट रूप सँ मन्त्रिपरिषद्क अध्यक्षता तथा सञ्चालन हेतु प्रधानमन्त्रीक उपस्थितिकें आवश्यक मानल गेल अछि । ओकर मृत्यु या पदत्यागक दशामे समस्त परिषदकें पद छोडऽ पडैत अछि । ओ अपन स्वेच्छा सँ मन्त्रिपरिषद्क गठन करैत अछि । राष्ट्रपतिद्वारा मन्त्रीसभक नियुक्ति ओकरे सलाह सलाह सँ करैत अछि । मन्त्री गणक विभागक निर्धारण सेहो प्रधानमन्त्री करैत अछि । क्याबिनेटक कार्यक निर्धारण सेहो प्रधानमन्त्री करैत अछि । देशक प्रशासनक निर्देश सेहो प्रधानमन्त्री दैत अछि तथा सम्पर्ण नीतिगत निर्णय सेहो याह लैत अछि । राष्ट्रपति तथा मन्त्रिपरिषद्क मध्य सम्पर्कसूत्र सेहो याह छी ।