Espérance-François Ngayibata Bulayumi

Espérance-François Ngayibata Bulayumi azalí mokomi ya lisolo na lingála mpé na lialemani. Abótámi o Kinsásá o mokɔlɔ 12 ya sanza 11 o mobú 1959. Lɛlɔ́ óyo afándaka na Viɛnɛ na Otrish. Akomí na lokótá lialemani, lifalansé mpé lingála.

Bomɔi

Bulayumi abandaki kelasi na ye na Santu Martin na Kinsásá (1965-1971). Kobanda na mobú 1971 tikuna na mobú 1973 asalaki «Cycle d’orientation» na Kinsásá Pie 12 (College Bonsomi). Koluanga kuna akendaki kotanga na Santu Rapahële ya Kinsásá (1973-1975). Sima na yango akomaki kotanga na INA (Institut National des Arts). Azalaki kuna kolongwa mobú 1975 tikuna na mobú 1981 – humanités artistiques et 2 ans du supérieur – liboso ya kokende kotanga Théologie na Philosopie na université (1983-1988) ya Viɛnɛ na Otrish. Nde kuna asilisaki Doctorat wa ye ya Philosophie.

Kuna nde akomaki moteyi okati ya Eyamba ya baMethodiste, eye etindaki ye na Losana na Swisi mpo na mosala mpe kotanga lisusu na «Centre de Formation de Théologie Méthodiste» mpe na Université ya Losana. Ezongaki ye na Otrish, azongaki lisusu kokamba lingomba ya baMethodiste, liboso ya koya kobanda kosala okati na Institut Afro-Asiatique ya Viɛnɛ. Akambaki Institut eye lokola mokonzi yamibale. Lɛlɔ́ óyo, Bulayumi azali kosala bopelɛ kuna, kasi lokola mokengeli ya makambo manso mizali kosalama kati y’Institut eye (Chargé des programmes). Bulayumi atangisaki na Université ya Viɛnɛ; azali mpe kotangisa n’Ecole supérieure Pédagogique ya Viɛnɛ. Bulayumi azali mokomi ya ba búku ebele. Bulayumi alongami na Godeliève Matondo Bulayumi. Bazali na bana mibale ya mibali.

Mikandá

Búku

(ln) Ebembe ya Thomson, lisolo, 2011, bobimisi Kiamvu. ISBN 978-3-200-02141-9 / http://www.kiamvu.org/
(ln) Mosuni, lisolo, 2006, bobimisi Adinkra. ISBN 3-9501083-6-X
(fr) Congo 2000 : Fin du temps ou nouvelle naissance?, 2000, Freistadt (Otrish): bobimisi Plöchl. ISBN 3-901407-12-X
Liste na worldcat.org