Romanz sgiald
|
Quest articol chì l'è scrivud in lombard, con la Noeuva Ortografia Lombarda |
El romanz sgiald l’è un sgender literari nassud invers la metaa del segol qd19 e che el s’è desvilupad adree al Nœuvcent, in partigolar coi œuvre de l’Edgar Allan Poe.[1]A partì de la narrativa, el sgiald el s’è spantegad ai olter mez de intrategniment, compagn de la radio e del cinema, ma anca di fumet e de la television.
De solet, la trama de un sgiald l’è impientada sora un crimen ind el qual inn impelagad i personasg de la storia. Una variant del sgiald l’è el cunt de poler, spezzialment indova i poler gh’hann un rœul prenzipal de denter de la trama. Despess el romanz sgiald el se sorapon a dei olter sgender literari, compagn de la fantazienza e del romanz storegh.
El sgiald l’è spartid sgiò in devers sota-sgender: a gh’è el sgiald classegh, el cunt de poler, l’ispionasg, el noir e el thriller, chest chì a sò vœulta dividud intra thriller legal e thriller medegh. Quist chì in comun i gh’hann el fogalizàss sora el confin de la legalitaa e del crimen, sora el misteri e la tension e sora l’anales e representazzion de la violenza.[1]
Referenze
[Modifega | modifica 'l sorgent]Ligam de denter
[Modifega | modifica 'l sorgent]Ligam de fœura
[Modifega | modifica 'l sorgent]
Wikiquote el gh'ha dent citazzion de o su sgiald
Wikimedia Commons el gh'ha dent imagin o alter archivi su sgiald