Pecad

Quest articol chì l'è scrivud in lombard, con la Noeuva Ortografia Lombarda

El pecad a l'è, in varie religion, ogni azzion che l'è contraria a la moral e a la coscenza de l'om e a la lesg divina. Ogni religion la gh'ha una soa vision in su de lor, la pupart di cristian, per esempi, la cred in del pecad original, che l'havaria bordegad l'om, e una quaj confession la cred che donca l'om el po vesser salvad domà de la grazzia de Dia, alter inveci spartissen i pecad i pecad veniai, che inn men gram, e i pecad mortai, che s'cepen el raport con la divinità. Per i sgiudee, el pecad a l'è ogni violazzion di 613 comandament e l'è una part de la vita, perchè se po minga viver senza pecà, anca se se nass senza pecad: al temp che gh'era el Segond Tempi, a gh'eren di sanzion per i pecad, che andaven di multe a la pena de mort, ma con la fin del Sinedri i sanzion fiseghe inn stade pu dade. Per i musulman, el pecad a l'è un at e minga un penser, e se intend ogni at che l'è Haram, o ben proibid de Allah, e 'l Coran e la Sunna gh'hann dent di sanzion, sia in vita che dopo la mort.

Riferiment

• Treccani

Alter proget

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Pecad
• Wikimedia Commons el gh'ha dent imagin o alter archivi su Pecad