Ora de polizzia

Quest articol chì l'è scrivud in lombard, con la Noeuva Ortografia Lombarda

Per ora de polizzia se intenden di regolamentazzion che limiten i dirizz di citadin de spostàss o quell di atività comerciai de restà vert. Inn de solit un element de la lesg marziala, doperad in cas de emergenza o de rebellot in del cas di persone, inveci l'è possibel che la ghe sia un'ora de polizzia per i boteghe anca in di situazzion normai, magara in di zone centrai de una cità i negozzi che venden l'alcol gh'hann de sarrà dopo de 'na certa ora per sbassà el ris'c che ghe sien di bordegament.

Etimologia

El termen l'è stad tolt del romanc "ura da polizia", cont el significad de orari indova che i negozzi gh'hann de sarrà su in di situazzion de ecezzion, de la pagina "Impariamo la lingua lombarda" che l'ha respondud a la domanda de Lombardia Incoeu su comè voltà la parolla italiana "coprifuoco" in lombard.

Riferiment

• Treccani