Levisc Antone Insam

Articul per Ladin Gherdëina

Levisc Antone Insam
Levisc Antone, quarto dovia da man ciancia y si familia; danca: Maria Katherina Wanker y Franz Insam. Dovia da man ciancia i mutons/ans: Lena, Zenz, Levisc Antone y Alexia.
Nasciù/da	20 de auril 1870
Mort/a	8 de agost 1931
Operes cunesciudes	Cripl tl Museum Gherdëina, Crist te Curtina Urtijëi
Fëna	Maria Moroder Lusenberg

Crist de Levisc Antone Insam te curtina a Urtijëi

Levisc Antone Insam, nce Alois Insam sen. (* 20 de auril 1870 a Santa Cristina; 8 de Agost 1932 a Urtijëi) fova n scultëur de Gherdëina.

Biografia

Si fëna fova Maria Moroder (1873-1946) fia de Anna Maria Sanoner y Josef Moroder Jumbiërch. I se ova maridà ai 23 de auril 1900. Do che l se ova maridà al cumprà l luech Doss dl Preve a Urtijëi. I fions fova: Rudi (pere de Otto y Raphael) y Luis (pere de Claudia, Gretel, Romana, Hansi y Walter), che fova scultëures, Trina (loma de Emmele y Luis da Stlujuc) y Anna fëna de Vinzenz Peristi. L ova scumencià a mparé a depënjer ma pona al nce mparà a ziplé tla berstot de Alois Kostner da Stlujuc y da Batista Moroder. Te si berstot ova mparà a ziplé Luis Senoner dla Tinderla (1892-1960), Gottfried Moroder (1887-1972), Vinzenz Moroder (1889-1990), Leo Moroder Doss (1899-1982), Otto Moroder Jumbiërch (1894-1977) y Tone Sotriffer Pedetliva. Levisc Antone fova n gran apasciunà dl juech dl scioh y Otto Moroder y Tone Sotriffer fajova al scioh suënz cul moster te berstot.

Lëures

Tl Museum Gherdëina iel da udëi la cripl de Levisc Antone Insam dl 1927, cumpreda dala Cassa dl Sparani tl 1942 per n museum da unì y duneda ala "Mostra degli Artisti Gardenesi" ala cundizion che la uniss mei venduda. Tla curtina plu de Urtijëi ie da udëi n gran crist de Levisc Antone Insam.

Cripl tl Museum Gherdëina

Bibliografia

• Elfriede Perathoner Bergmeister: Grödner Krippenschnitzkunst. Folio Verlag Wien/Bozen 2004, ISBN 3 85256 279 1. Pl. 79-80 (tudësch).