Lömmerig

Dit artikel is gesjreve (of begós) in 't Lömmerigs. Laes hie wie v'r mit de versjillende saorte Limburgs ómgaon.

---

Lömmerig (Limbricht) Gewaeze gemeinte in Nederlandj
Gevörmp	?
Opgehaeve	1982
Opgegange in	Zittert
Provincie	Limburg
Hoofplaats	Lömmerig
Opperflaakde (bie opluffing)	9,13 km²
– daovan water:	0,01 km²
Inwoeners (kort veur opluffing)	3.970 (1971)
– deechde:	435/km²
Lies van börgemeisters

Kesjteel Lömmerig

Lömmerig (sjpelling volges Veldeke, plaatselik meistal gesjpeld es Lömmerich, Nederlands: Limbricht) is ein plaatsj in de gemeinte Zittert-Gelaen.

Historie

Sint-Salviuskirkske

Lömmerich is ein zeer ouw nejerzetting, ontsjtange langs eine Romeinse waeg. In Lömmerich zelf woorte Romeinse vonjdste aangetroffe, wo-onger ein esjkis die in 't St. Salviuskirkske te zeen is. Dit kirkske is in 't begin van de 11e eeuw geboewd. In ein aantal bouwfase haet 't kirkske heur huidige vorm gekreege. In de absis van dees kirk zeen de ouwste gewelfsjilderieje van Nederland aangetroffe, gemaak omsjtreeks 1275. Naeve 't kirkske lik Kesjteel Lömmerich, ein motteburg. Rond 1622 is 't Kesjteel tot sjtandj gekomme.

In de Middeleeuwe is Lömmerich ein 'vrieheerlikheid' gewaes in 't Guliks gebied. Dat beteikent dat de here van Lömmerich gein verplichtinge houwe ten opzichte van de Gulikse hertog. Tot 1982 is Lömmerich ein zelfsjtandige gemeinte gewaes, wo ouch Einikoeze en Göttekaove ónger veile.

Enkel sjoon dènger in Lömmerich zin Kesjteel Lömmerich en 't Salviuskirkske oet 1256 wo in zich de ouwste gewelfsjilderieje van Nederland bevenje.

Historische inwonertalle

Jaor Aantal Greuj (gans Limburg) 1830 1.247 -- 1840 1.395 +11,9% (+5,6%) 1849 1.471 +5,4% (+4,3%) 1859 1.458 -0,9% (+4,4%) 1869 1.395 -4,3% (+4,5%) 1879 1.345 -3,6% (+7,0%) 1889 1.356 +0,8% (+6,8%) 1899 1.325 -2,3% (+10,2%)

Jaor Aantal Greuj (gans Limburg) 1909 1.361 +2,7% (+17,8%) 1920 1.680 +23,4% (+32,6%) 1930 2.068 +23,1% (+25,1%) 1947 2.756 +33,3% (+24,2%) 1956 3.102 +12,6% (+27,3%) 1960 3.202 +3,2% (+7,4%) 1971 3.970 +24% (+13,9%)

Opmerking

• De getalle veur 1971 zeen op ganse vieftalle aafgeróndj. Gelèt op 't klein aantal inweunesj van Lömmerig is 't greujciefer veur dat jaor daorum neit perciezer es in ganse percente.

Rillatief óntwikkeling van 1830 tot 1971

(v₁₈₃₀=100)

Greun: Gemeinte Lömmerig
Blauw: Provincie Limburg

Oorsjprónk/verklaoring

De Sint Salvius kirk

De dörper Lömmerich (Limbricht) en Einikhoeze (Eynighausen) vörmde same de vrieje rieksheerlikheid Limbricht. In ouw brónne wurt ouch gesjpraoke van Limburg, mer om verwarring te veurkómme is de naam verangerd in (Nederlands) Limbricht.

Waope

---

De volgende sectie van dit artikel is gesjreve in 't Mestreechs.

---

Lömmerig dreug e waope wat ziech zoe liet umsjrieve:

Vaan keel (roed) mèt drei gouwe kepers. 't Sjèld gezat op 'nen dóbbelen adeleer vaan sabel (zwart), gebeek en gepoet vaan goud, getongk vaan keel.

Dit waope woort ouch al door de vrij rijkshierlekheid Lömmerig gedrage. 't Is al in 1288 bij Christiaan vaan Lömmerig gevoonde, al is neet bekind wat veur kleure 't waope bij häöm had. D'n adeleer gief de rieksoonmiddelleke status (mèt allein de keizer bove ziech) aon. Pas op 21 juli 1949 is 't waope door d'n Hoege Raod vaan Adel aon de gemeinte verliend.

Vereiniginge

Enkele vereiniginge in Lömmerich zeen:

• Auwt Prinse Garde Lömmerich
• Sjötterie Sint Salvius
• Fanfaar de Vriendenkring
• Bridge klub de Molebron
• Vastelaovesvereiniging de Doale
• Voetbal vereiniging Lömmerich (VVL)
• Tennisklub Panta Rhei
• Paesjclub de Graetheij
• Vusjclub de Wiejert
• Scouting Sint Salvius
• Jazz-Dans Limbricht

Bekènde inwoners / awt-inwoners

• Herman Veugelers
• Wout Holverda (Awt voetballer Fortuna Zittert)
• Han Berger (Awt Trainer Fortuna Zittert)
• De band Kartoesj kump gedeiltelik oet Lömmerig.