Il-76 Candid
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
De Ilyushin IL-76 NAVO codenaam Candid is ein van de grotste vrachvleegtuuge ter waereld, en waerdj geboewdj door Ilyushin. 't Prototype van dit masjien van grote aafmaetinge maakdje zien eerste vluch op 25 meert 1971 (de teste bleeve doorgaon toet aan 1975). 't Vleegtuug vestigdje 25 waereldrecords veur sjnelheid en heugte terwiel 't volgelaaje is mit goedere. De Il- 76T, dae is besjtumpdj veur 't zjwaor transport in Siberië, is oetgerös mit sjtraolmotors mit bypass en kan vanaaf de meis gebrekkige sjtartbane functionere. Ongeveer zestig Il-76 waerdje veur de lochvloot in deens genomme veur commercieel doeleinde; meer dan honderd Il-76M's deene in de Russische, Tsjechische, Iraakse en Poolse lochmachte, veur 't transport van troepe en veur zjwaor vrachte.
Ein paar jaor geleeje haetj d'r eine hele tied eine Il-76 op Mestreech Aoke Airport gesjtange dae 't lanjingsgeldj neet kos betaale, en daoveur aan'ne ketting waas gelag.
Technische gegaeves
[bewirk | brón bewèrke]
Lengte: 40,60 m.
Breidte: 50,50 m.
Heugte: 14,70 m.
Max. sjnelheid: 800 km/u
Vleegbereik: 5000 km.