Teuve

Dit artikel is gesjreve (of begós) in 't Teuves. Laes hie wie v'r mit de versjillende saorte Limburgs ómgaon.

---

Dörpsgezich

Entree Kesjtieël Zènnig

Teuve (Nederlands en Frans: Teuven) is e dörp in de taalgrensgemingde Voere in Belsj Limburg. Teuve is gelaege in 't dal van de Gulp tösje velder, weie en bösj. An ing ziej is dat d'r Roewe bösj en an de anger ziej d'r Beusdelse bösj

Buurtsjappe

Bie Teuve huère de buurtsjappe:

• Zènneg (Sinnich)
• Gieveld (Gieveld)
• Nurep (Nurop)
• De Plaank (De Plank: Deel ten oosten van de provinciale weg)

Bezeenswaerdig

Antieke waegwiezer op de krusing in Teuve

• 'n Neogotisch kèrkske oet 1870 mèt sjpitse toän hoeëg op 'ne heuvel. 't 1-beukig geboew is opgetrokke oet brikke en gewiejd aan Sent Pieëter (Petrus).
• Diverse ouw häöf en vakwerkhoezer. E paar boerderieje zunt allewiel in functie es café-restaurant.
• Op 't kruutspunt in 't centrum sjtaet 'ne antieke waegwiezer, dae de richtinge Slenaken (Sjlennich), Eupe - Verviers en Epen (Ieëpe) - Wittem aangeuf.
• Kasjtièl de Hoof an g'n Gulp. Hie wonde in vreuger tieje de hiëre van Teuve. Naodat de Vlaamsje gemingsjap 't good in 1985 haat gegowe, wèt 't oetgebaat es hotel-restaurant.
• Kasjtièl Sinnig, 'n veurmalige abdij. Saer de Franse revolutie is 't particulier eigendom. Vanaaf 1250 wonde hie de zusters Augustinesse in 'n abdij, die vanoet Rolduc waor gesjtich. 'ne Romaanse toän va natuursjtei, daterend oet der 13e ieëw, is nog uvver oet dae tied. De veurgivvel sjtamp oet 1750 en is geboewd volges óntwerp van architect Johann Joseph Couven oet Aoke.
• Sjtiel, depe gröbbe (o.a. in de Beusdelsebösj), deune hage en grave in 't landsjap.

Gebaore in Teuve

• Charles Vandenhove op 3 juli 1927

Vereniginge

• Harmonie de Teuven
• Teuvens koeër
• Soc. de Tir Saint Pierre-Teuven (sjötteriej)
• Carnavalsvereniging de Böschuule

Sjtraotnaamsjilder

Tweijtalig sjtraotnaamsjild

---

De volgende sectie van dit artikel is gesjreve in 't Norbiks.

---

De sjtraotnaamsjilder ì gaans Voere zeunt eegendom van de Vlamsje partiej Voerbelange. In de partiej is gesjtèmd över wie de borde d'r moesse oetzieë. De lede van 't hoofdbesjtuur howwe de keus oet:

• allèng d'r Nederlandstalege naam
• d'r naam in 't Nederlands (groeët) en in 't Fraans (klèng).

De optie: twieëtalege borde, mèt de name aeve groeët - zoewie in Herstap - waor neet vörzieë en dus waor die keuze neet mäögelek. Alle sjilder sjteunt of hange op privaatgroond.

Täöve is 't innigste Voer-dörp dat me bies op 't verenigingsvlak multi-cultureel kint neume.

• 
  Dal van de Gulp
• 
  De grens tösje Nederland en Belsj óp g'n Plaank
• 
  Grenspaol Belsj-Nederland nömmer 19
• 
  Neogotische Seent Pieëterskèrk