De Ravelijn

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

De Ravelijn is 'n buurt in Mestreech, mèt oetziech euver de Linie van Dumoulin en is van oersprunk 'n zoegeheite woensjaol. In de Ravelijn woorte in de luip vaan de jaore '50 "a-sociaal" gezinne, "onmaatschappelijken", vaanoet 't Stokstraotkerteer oondergebrach mèt 't doel ze te resocialisere. 't Is opgezat in 'n hoofiezervörm mèt in 't midde 'n plein en 't sjaolgebouw zelf. Hei krege de bewoeners lès in praktische vaardighede wie hoeshawwe en sociale vaardighede wie sollicitere.

Door stigmatisering vaan de bewoeners bleke de doelstèllinge vaan de woensjaol nauweleks gehaold te weure. De buurt kaom daan ouch in de jaore '80 in aonmerking veur sloop. Daonao trokke steeds mier studente en kunsteneers in de woeninge mèt tijdeleke heurcontracte. Intösse höbbe börgerinitiatieve deveur gezörg dat de wiek behawwe weurt es monumint.